काठमाडौं– प्रदर्शनरत रहँदा चर्चाबाटपछि नपरेको फिल्म ‘द कश्मिर फाइल्स’ एक पटक फेरि विवादमा तानिएको छ
प्रदर्शनका क्रममा बक्सअफिसमा ल्याएको हलचल र फिल्मले उठाएको विषयवस्तुका कारण विवाद र चर्चा दुवैमा रहेको फिल्म अहिले भने अस्कर अवार्डमा छनोट गरी पठाउने वा नपठाउने भन्ने विषयलाई लिएर चर्चामा आएको हो।
‘द कश्मिर फाइल्स’ पुनः चर्चामा आउनुको कारण भने बलिउडका निर्देशक अनुराग कश्यप हुन् । कश्यपले हालसालै एक अन्तर्वातामा उक्त फिल्मलाई अस्करका लागि भारतले पठाउन नहुने बताएका छन्।
उनको कुरामा सहमति जनाउँदै क्यानडाका फिल्म निर्देशक डायलन मोहन ग्रेले पनि उक्त फिल्म ‘फोहोर’ भएको बताएका छन् ।
हालसालै आफ्नो आगामी फिल्म ‘दोबारा’को प्रचारका क्रममा अनुरागले ‘द कश्मिर फाइल्स’सँग सम्बन्धित कुरा गरेका थिए।
कार्यक्रममा भारतबाट अस्करमा कुन फिल्म पठाइन्छ भन्ने विषयमा प्रश्न गर्दा उनले भनेका थिए, ‘राजामौलीको फिल्म ‘आरआरआर’ अस्करका लागि पठाउन उपयुक्त छैन। मलाई अस्करमा कुन फिल्म पठाइन्छ भन्ने त थाहा छैन् तर, आशा गर्छु ‘द कश्मिर फाइल्स’ चाहिँ त्यो फिल्म नहोस्।’
अनुरागको यस्तो प्रतिक्रिया आएपछि क्यानडाका फिल्म निर्देशक डायलनले पनि त्यसमा प्रतिक्रिया दिएका हुन्।
फिल्मको विषयलाई लिएर डायलनले भनेका छन्, ‘विवेक अग्नीहोत्रीको फिल्म ‘द कश्मिर फाइल्स’ कुनै कहानी नै नभएको फिल्म हो। यो फिल्मले केवल घृणा फैलाएको छ र यो पूरै काम नलाग्ने फिल्म हो।’
सँगै उनले यस्तो फिल्मलाई भारतले छनोट गरेर अस्करमा पठाएमा भारतकै लागि यो लजास्पद हुने बताएका छन्।
अनुराग र डायलनले आफ्नो फिल्म ‘द कश्मिर फाइल्स’लाई यस्तो भनेसँगै फिल्मका निर्देशक विवेक रञ्जन अग्नीहोत्रीले पनि त्यसमा प्रतिक्रिया जनाएका छन्।
उनले सामाजिक सञ्जाल ट्विटरमा लेखेका छन्, ‘बलिउडका चर्चित मानिसहरु सधैं कश्मिरमा भएको नरसंशारलाई वेवास्ता गर्दै आएका छन्। त्यहि कारण ‘दोबारा’का निर्देशक बलिउडका माफियाहरुसँग मिलेर ‘द कश्मिर फाइल्स’को विपक्षमा अभियान चलाइरहेका छन्।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736256793.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
