पहिलो नम्बरमा बढुवा भएका हुतराज थापा।
काठमाडौं– सरकारले देशको एकमात्र गुप्तचरी निकाय राष्ट्रिय अनुसन्धान विभाग (राअवि)का दुई अनुसन्धान निर्देशक (डीआईजी)लाई अतिरिक्त मुख्य अनुसन्धान निर्देशक (एआईजी) मा बढुवा गरेको छ।
बिहीबार बसेको मन्त्रिपरिषद् बैठकले डीआईजीद्वय हुतराज थापा र ओम जोशीलाई एआईजीमा बढुवा गरेको हो। पहिलो नम्बरमा थापालाई बढुवा गरिएको स्रोतले नेपाल लाइभलाई जानकारी दियो।
गत साउन ९ गतेको मन्त्रिपरिषद् बैठकले एक मात्र एआईजी रहेको गुप्तचरमा अर्को एक एआईजीको दरबन्दी थप गर्दै दुई बनाएको थियो। रिक्त रहेका दुवै एआईजी पदमा बिहीबार बढुवा गरिएको हो।
गत वैशाख १० गते एआईजी यादव रेग्मी अवकाशमा गएपछि सरकारले राअविमा ३ महिनासम्म एआईजीको बढुवा नै नगरी राखेको थियो। साउन ३ गते अनिवार्य अवकाशमा जाने कूलदीप थापालाई सरकारले असार ३१ गते एआईजीमा बढुवा गरेको थियो। थापा बढुवा भएको ३ दिनमै अवकाशमा गएका थिए। त्यसपछि गुप्तचरमा १ एआईजीको दरबन्दी खाली थियो।
उक्त १ पदमा बढुवाका लागि हुतराज थापा मुख्य दाबेदार थिए। पहिलो नम्बरका थापासहित सँगै अनुसन्धान निर्देशक (डीआईजी) भएका दोस्रो नम्बरका ओम जोशी, हरिहर पौडेल र सुनिल ढकाल मुख्य दाबेदार थिए।
हालका गुप्तचर प्रमुख यदुलाल खरेल आउँदो भदौ २३ गते अनिवार्य अवकाशमा जाँदैछन्। जसकारण अहिले बढुवा भएका थापा र जोशीमध्ये एक जना आगामी भदौ २३ गते गुप्तचर प्रमुख बन्नेछन्।
आगामी भदौ २३ गते गुप्तचर प्रमुख बन्ने व्यक्तिले तीन वर्षसम्म कार्यकाल सम्हाल्नेछन्। गुप्तचर प्रमुखले ३ वर्ष कार्यकाल सकाएर अवकाशमा जाने बेला अहिले बढुवा भएकामध्ये एक जना एआईजी नै रहने भएकाले अहिले बढुवा भएका दुवै जना गुप्तचर प्रमुख बन्नसक्ने अवस्था रहनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1748004713.png)
