सुरक्षा/अपराध

बयरको रुखमा झुण्डिएका तीनै किशोरीको शव पोष्टमार्टमका लागि धरान लगियो

नेपाल लाइभ आइतबार, साउन ८, २०७९ १४:५९

काठमाडौं– झापामा एउटै रुखमा झुण्डिएको अवस्थामा फेला परेकी तीन किशोरीको शव पोष्टमार्टमका लागि धरान लगिएको छ।

घटनाबारे अनुसन्धान सुरु गरिएको र शव पोष्टमार्टमका लागि बीपी कोइराला स्वास्थ्य विज्ञान प्रतिष्ठान धरानमा लगिएको झापाका डीएसपी तथा प्रहरी प्रवक्ता वसन्त पाठकले जानकारी दिए।

आइतबार बिहान तीन किशोरी एउटै रुखमा झुण्डिएको अवस्थामा मृत फेला परको भन्ने जानकारी पाउनासाथ प्रही घटनास्थल पुगेको थियो।

फरेन्सिक विज्ञसहितको टोली घटनास्थल लगेर मुचुल्का उठाई शव पोष्टमार्टमका लागि धरान पठाइएको हो।

प्रारम्भिक अनुसन्धानका क्रममा आत्महत्या गरेको हुनसक्ने विश्लेषण गरे पनि यसको कारण भने खुलिुसकेको छैन। यद्यपि, पोष्टमर्टम रिपोर्टपछि मात्रै आत्महत्या कि हत्या हुने पुष्टि हुने प्रहरीले जनाएको छ।

अनुसन्धानका क्रममा मृत भेटिएका तीनै किशोरी शनिबार दिउँसो १२ बजे घरबाट घुम्न भनेर निस्केका थिए। झापाको कचनकवल गाउँपालिका–५ दले गाउँ बस्ने पुलुवा गणेशकी १७ वर्षीया छोरी अन्जली, सोही ठाउँ बस्ने पञ्चम गणेशकी छोरी १६ वर्षीया करिना र बिरबल गणेशकी छोरी १७ वर्षीया कल्पना १२ बजे घरबाट निस्केको पाइएको डीएसपी पाठकले जानकारी दिए।

उनीहरु बेलुकासम्म घर नफर्किएपछि खोजतलास गर्ने क्रममा आइतबार झुण्डिएको अवस्थामा शव फेला परेका थिए। डोरीको पासो लगाएर झुण्डिएको अवस्थामा सुनकोशी चिया बगान नजिकैको बयरको रुखमा उनीहरु फेला परेका थिए।

तीनै जना चिया बगानमा काम गर्ने किशोरीहरु रहेको पाइएको छ। घटनाको विस्तृत अनुसन्धानको प्रक्रिया सुरु गरिएको झापा प्रहरीले जानकारी दिएको छ।

यो पनि पढ्नुहोस

झापामा एउटै रुखमा तीन किशोरी झुण्डिएको अवस्थामा मृत फेला

यो पनि पढ्नुहोस

झापाका तीन किशोरी मृत्यु घटना : घुम्न भनेर निस्किएका थिए, झुण्डिएको अवस्थामा फेला परे

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’