तस्बिरः सुशील पाैडेलकाे फेसबुकबाट। काठमाडौं– सामाजिक कथावस्तुमा बनेर सफलता प्राप्त गरेको चलचित्र ‘प्रसाद’को सिक्वेल ‘प्रसाद २’ बन्ने घोषणा भएको छ। बिहीबार काठमाडौंमा पत्रकार सम्मेलन गरेर फिल्म निर्माणको घोषणा गरिएको हो।
‘प्रसाद’जस्तै ‘प्रसाद २’ पनि सामाजिक र प्रेम कथा विधामा आधारित रहने फिल्मको निर्माण पक्षले बताएका छन्। फिल्म पूर्ण रुपमा अघिल्लो फिल्मको समाप्तीबाट सुरु हुने र विशुद्ध सिक्वेलको रुपमा रहने लेखक सुशील पौडेलले बताए।
‘प्रसाद २’लाई सुदर्शन थापाले निर्देशन गर्नेछन्। यसअघिको फिल्म ‘प्रसाद’लाई दिनेश राउतले निर्देशन गरेका थिए। सिनेमा हलमा सफलता मात्रै नभएर उक्त फिल्मले सामाजिक रुपमा पनि बहस सिर्जना गर्न सफल भएको थियो।
फिल्ममा प्रायः कलाकार पुरानै रहने निर्माण पक्षले जनाएको छ। बाबुरामको भूमिकामा बिपिन कार्की र उनकी श्रीमती नारायणीको भूमिकामा नम्रता श्रेष्ठ नै दोहोरिनेछन्। सँगै फिल्ममा अर्पण थापाको पनि प्रवेश भएको छ। ‘प्रसाद’मा निश्चलले अभिनय गरेको भूमिकामा अर्पण देखिनेछन्। यी बाहेक फिल्ममा राज कटुवाल पनि मुख्य भूमिकामा देखिने घोषणा कार्यक्रममा बताइएको छ।
‘प्रसाद’कै लेखक सुशील पौडेलले लेखेको यो फिल्मलाई केशव पाण्डेको लगानीमा निर्माण गरिँदै छ। असार २१ गतेबाट कास्कीको याम्जाकोटमा छायांकन सुरु हुने बताइएको फिल्म यही वर्ष तिहारमा प्रदर्शन गर्ने तयारी रहेको निर्माण पक्षले जनाएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
