बजेटमाथि एमाले सांसद विष्णु पौडेलको टिप्पणी–गोश्वारा भाषामा लेखिएको निबन्धजस्तो

अर्थ समाचार

नेपाल लाइभ मंगलबार, जेठ १७, २०७९ ११:४६

काठमाडौं– एमाले उपाध्यक्ष एवं पूर्व अर्थमन्त्री विष्णु पौडेलले वर्तमान सरकारले ल्याएको बजेट गोश्वारा भाषामा लेखिएको निबन्धजस्तो भएको टिप्पणी गरेका छन्।

प्रतिनिधि सभामा बजेटमाथिको छलफलमा भाग लिँदै प्रमुख प्रतिपक्ष दलका तर्फबाट बोल्ने क्रममा पूर्व अर्थमन्त्री पौडेलले यस्तो आरोप लगाएका हुन्।

‘यो बजेट गोश्वारा भाषामा लेखिएको निबन्धजस्तो छ। कार्यक्रम र योजना व्यक्ति र समूह विशेषलाई हो कि भन्ने देखिन्छ,’ उनले आरोप लगाए ‘ अहिलेको विश्व संकटको समयमा कसरी ७ प्रतिशत मुद्रा स्थिति कायम राख्ने कुनै योजना देखिदैन।’

उनले कृषिलाई राष्ट्रिय उत्पादन बनाउने सपना बजेटले देखाएको तर कसरी भन्ने कुनै पनि योजना पेस गर्न नसकेको आरोप लगाए। उनले सरकारको बजेट सफल हुने नदेखिएको भन्दै मसिनो श्वरमा मात्र कृषिको विकास हुने भनिएको टिप्पणी गरे।

‘हाम्रा उत्पादनहरूलाई कसरी निर्यात गर्ने भन्नेबारे केही देखिँदैन,’ उनले भने, ‘नेपालमा आयात हुने कृषि उपजहरूलाई रोक्ने र नेपाली उत्पादनलाई प्राथमिकता दिने नीति पनि स्पष्ट छैन।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सिन्धुपाल्चोक भूकम्प : जिल्ला प्रशासन कार्यालयले निकाल्यो यस्तो विज्ञप्ति

बनेपाको एक होटलमा महिला मृत फेला, हत्याको आशंका

विद्यालय शिक्षा सुधारका लागि आजदेखि काठमाडौँ महानगरमा शैक्षिक मेला