पुष्पलाल मध्यपहाडी राजमार्गको लागि ९ अर्ब ३३ करोड र हुलाकी राजमार्गका लागि ६ अर्ब ७ करोड

अर्थ समाचार

नेपाल लाइभ आइतबार, जेठ १५, २०७९ १७:४६

काठमाडौं– आगामी आर्थिक वर्षका लागि सरकारले निर्माणाधीन पुष्पलाल मध्यपहाडी राजमार्गको लागि ९ अर्ब ३३ करोड र निर्माणाधीन हुलाकी राजमार्गको लागि ६ अर्ब ७ करोड रुपैयाँ विनियोजन गरेको छ। अर्थमन्त्री जनार्दन शर्माले बजेट प्रस्तुत गर्दै यस्तो जानकारी दिएका हुन्।

आगामी वर्षको बजेटमा मध्यपहाडी पुष्पलाल राजमार्ग निर्माणका लागि ९ अर्ब ३३ करोड विनियोजन गरिएको छ। पुष्पलाल मध्यपहाडी राजमार्गले २६ जिल्लालाई सडक सञ्जालमा आबद्ध गर्ने र यसको २३५ किलोमिटर कालोपत्रे र १६ पुल निर्माण गर्न सो बजेट विनियोजन गरिएको छ।

बजेट प्रस्तुत गर्दै अर्थमन्त्रीले भने, ‘मध्यपाहाडका २६ जिल्लालाई सडक सञ्जालमा आवद्ध गर्न निर्माणधिक पुष्पलाल मध्यपहाडी राजमार्गको २३५ किलोमिटर कालोपत्रे र १६ पुल निर्माण गर्न ९ अर्ब ३३ करोड विनियोजन गरेको छु।’

त्यस्तै, निर्माणाधीन हुलाकी राजमार्गको ३०० किमि कालोपत्रे र २४ पुलको निर्माण सम्पन्न गर्न र थप ६७ पुलको निर्माण सुरु गर्न ६ अर्ब ७ करोड रुपैयाँ बजेट बिनियोजन गरिएको शर्माले बताए। उनले भने, ‘निर्माणधिक हुलाकी राजमार्गको ३०० किमि कालोपत्रे र २४ पुलको निर्माण सम्पन्न र ६७ पुल निर्माण गरिनेछ। हुलाकी राजमार्गको लागि ६ अर्ब ७ करोड विनियोजन गरेको छु।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च

पोखरामा माइक्रो दुर्घटना, ३ जनाको मृत्यु