तेप्लायु

साहित्य डबली

तेप्लायु

काङमाङ नरेश राई शनिबार, जेठ १४, २०७९ १४:१८

यहीँबाट
अर्थात् तेप्लायुबाट
जन्मेर गयो
हुर्केर गयो
थुप्रै सन्तान र तिनका बाल्यकालहरु
हुर्केर जानेछन् बैंसालु सपनाहरु
क्रमशः गइरहेको हुनेछ
हरेक समय एउटा जीवन

याम फेरिएपछि–
पोहोरजस्तै बोलाउने छ
आफ्ना सन्तानलाई हुच्पेखुवा
उत्तिसमा बसेर आफ्नै भाषामा
रिसिया गाउने छ दोङकुमा
खोपिरहेको हुनेछ गुराँसलाई बाराकेक्वा
भत्केरै भए पनि बसिरहेको हुनेछ–
सबैले छाडेर गएको एउटा गुँड अथवा तेप्लायु
तर, फर्केर आउँछन् या आउँदैनन् गइरहेकाहरु?

तेप्लायु – किरात राई बान्तावा भाषामा योनि।
हुच्पेखुवा – किरात राई बान्तावा भाषामा एक प्रकारको चरा।
रिसिया – अकालमा मृत्यु भएकाहरुलाई बाटो लगाउँदा बिजुवाले फलक्नेलाई रिसिया भनिन्छ।
दोबकुमा – किरात राई बान्तावा भाषामा कोइली चरा।
बाराकेक्वा – किरात राई बान्तावा भाषामा लाहाँचे चरा।