वाङदेलको ‘लङ्गडाको साथी’मा आधारित रसाईलीको फिल्म ‘अभिन्न’को ट्रेलर सार्वजनिक

समाचार

नेपाल लाइभ बुधबार, जेठ ११, २०७९ ०८:२७

काठमाडौं– प्रशान्त रसाईलीको निर्देशनमा बनेको फिल्म ‘अभिन्न’को ट्रेलर रिलिज भएको छ। साहित्यकार लैनसिंह वाङ्देलको चर्चित उपन्यास ‘लङ्गडाको साथी’मा आधारित रहेको फिल्मको ट्रेलर मंगलबार सार्वजनिक भएको हो।

ट्रेलरमा फिल्मका मुख्य अभिनेता कर्मा फिचर्ड छन्। फिल्ममा दार्जिलिङको जीउनकै लागि संघर्ष गरिरहेको एक अपांगता भएको पात्रको कथालाई प्रस्तुत गरिएको छ। ट्रेलरमा कर्माको यो भूमिका निकै कारुण देखिन्छ।

२००८ मा वाङ्गदेलले लेखेको यो उपन्यासमा अपांगता भएका व्यक्तिले समाजमा भोग्नुपर्ने बाध्यता र संघर्षको कथा प्रस्तुत छ। सँगै उसलाई साथ दिने कुकुरको कथा पनि पात्रसँगै अघि बढेको छ।

फिल्मको ट्रेलरमा पनि उपन्यास यी पक्षहरु समेटिएका छन्। कर्मा अपांगता भएका व्यक्तिको अवतारमा सडकमा भौतारिनेदेखि सहरका मान्छेहरुले उमाथि गर्ने दुर्व्यवहार ट्रेलरमा देख्न सकिन्छ।

यो फिल्म वाङ्देल एण्ड शाक्य प्रोडक्सनको ब्यानरमा डा. विभाकर शाक्यले निर्माण गरेका हुन्। फिल्ममा रञ्जीत गजमेरको संगीत रहेको छ।

निर्देशक रसाईलीले यसअघि आचार्य, कथाजस्ता फिल्महरु निर्देशन गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केयूको उपकुलपतिका लागि पिएचडी अनिवार्य गरिएको भन्दै सर्वोच्चमा रिट निवेदन दर्ता

प्रशासकीय अधिकृत माग्दै बालेनले लेखे सामान्य प्रशासन मन्त्रालयलाई पत्र

प्रचण्ड र माधव नेपाललाई भेटेपछि राजेन्द्र लिङ्देनको अभिव्यक्ति: अब यो नेतृत्व र व्यवस्थाले देश बन्दैन