छात्रामाथि यौन दुर्व्यवहार गरेको आरोपमा सेन्ट लरेन्स कलेजका शिक्षक पक्राउ

समाचार

नेपाल लाइभ बुधबार, जेठ ११, २०७९ ०६:१८

काठमाडौं– छात्रामाथि यौन दुर्व्यवहार गरेको आरोपमा चाबहिलस्थित सेन्ट लरेन्स कलेजका एक शिक्षक र कोर्ष को-अर्डिनेटर पक्राउ परेका छन्।

पक्राउ पर्नेमा कलेजका कोर्ष को-अर्डिनेटर काभ्रेपलाञ्चोकको भुम्लु गाउँपालिका–१ स्थायी ठेगाना भइ हाल काठमाडौं कागेश्वरी मनोहरा नगपालिका–८ बस्ने वर्ष ४७ वर्षीय जनार्दन अधिकारी छन्।

यस्तै, कलेजका शिक्षक काठमाडौं कागेश्वरी मनोहरा नगरपालिका–७ का ५१ वर्षीय राजन कुमार पौडेल पनि पक्राउ परेका छन्।

उनीहरूले कलेजमा अध्ययनरत केही छात्रालाई यौन दुर्व्यवहार गरेको भन्दै विद्यार्थी आन्दोलित बनेका थिए। पीडित नाबालिकाहरूका अभिभावकले समेत मंगलबार यस विषयमा प्रहरी वृत्त गौशालामा जाहेरी दिएका थिए।

जाहेरी दर्ता गरी पीडित नाबालिकाहरुको विस्तृत स्वास्थ्य परीक्षण समेत भइसकेको प्रहरीले जनाएको छ। त्यसपछि फरार रहेका अधिकारी र पौडेलको खोजीमा रहेको प्रहरीले उनीहरूलाई पक्राउ गरि कारबाही अघि बढाएको छ।

अधिकारी र पौडेलउपर मुलुकी अपराध (संहिता) ऐन, २०७४ को परिच्छेद-१८ को दफा २२५ को बाल यौन दुरुपयोग गर्न नहुने सम्बन्धी कसूर मुद्दामा काठमाडौं जिल्ला अदालतबाट ५ दिनको म्याद थप अनुमति लिई प्रहरी वृत्त गौशालाबाट थप अनुसन्धान भइरहेको जिल्ला प्रहरी परिसर काठमाडौंका एसपी दिनेशराज मैनालीले जानकारी दिए।

सम्बन्धित समाचार :
सेन्ट लरेन्स कलेजको घटना : जाहेरी लिने प्रक्रिया अघि बढ्यो, आरोपित प्रहरी निगरानीमा

चाबहिलको सेन्ट लरेन्स कलेजका शिक्षकले दुर्व्यवहार गरेको भन्दै विद्यार्थीहरु आन्दोलित

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रियल मड्रिडलाई हराउँदै बार्सिलोनाले जित्यो महिला स्पेनिस सुपर कप

अछाममा किशोरी मृत घटनामा अनुसन्धान गर्न लागि २ जना पक्राउ

छाउगोठमा सुतेरहेकी महिलामाथि बाघको आक्रमण