अक्षयको ‘पृथ्वीराज’को ट्रेलर सार्वजनिक

सिनेमा

नेपाल लाइभ सोमबार, वैशाख २६, २०७९ १४:०६

काठमाडौं– विभिन्न विवादमा जेलिएको फिल्म ‘पृथ्वीराज’को ट्रेलर सार्वजनिक भएको छ। बलिउड अभिनेता अक्षय कुमार र पूर्वमिस वल्र्ड मानुषी चिल्लर मुख्य भूमिकामा रहेको फिल्मको ट्रेलर सोमबार सार्वजनिक भएको हो।

ट्रेलरमा अक्षयले पृथ्वीराज चौहानको भूमिकामा दिल्लीको राज्याविशेक गरेको दृश्य देखाइएको छ। त्यसका लागि भएको संघर्षलाई फिल्ममा देखाइएको छ।

भारतमा १२औं शताब्दीसम्म रहेको चौहान शासनकालका राजा पृथ्वीराज चौहानको बारेमा रहेको ब्रज भाषाको ऐतिहासिक कविता माथि आधारित रहेर फिल्म निर्माण गरिएको छ। तीन मिनेट लामो फिल्मको ट्रेलरमा दिल्लीको कब्जा र त्यससँग सम्बन्धित संघर्षलाई देखाइएको छ।

फिल्ममा अक्षय र मानुषीसँगै सञ्जय दत्त र सोनु सुद पनि मुख्य भूमिकामा छन्। यीसँगै मानव भिज, अशुतोष राना, शाक्षी तनवरले पनि फिल्ममा अभिनय गरेका छन्। फिल्मको लेखन तथा निर्देशन डा. चन्द्रप्रकाश द्विवेदीले गरेका छन् भने फिल्मको निर्माण आदित्य चोपडाले गरेका छन्।

‘यशराज फिल्मस्’को ब्यानरमा बनेको फिल्म जुन ३ मा प्रदर्शनमा आउँदै छ।

हेर्नुहोस ट्रेलरः–

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केयूको उपकुलपतिका लागि पिएचडी अनिवार्य गरिएको भन्दै सर्वोच्चमा रिट निवेदन दर्ता

प्रशासकीय अधिकृत माग्दै बालेनले लेखे सामान्य प्रशासन मन्त्रालयलाई पत्र

प्रचण्ड र माधव नेपाललाई भेटेपछि राजेन्द्र लिङ्देनको अभिव्यक्ति: अब यो नेतृत्व र व्यवस्थाले देश बन्दैन