आरबीबी–एनभीए क्लब भलिबल लिग प्रतियोगिता :आर्मीको सहज जित

अन्य

नेपाल लाइभ मंगलबार, वैशाख २०, २०७९ ०८:०५

काठमाडौं– विभागीय टोली त्रिभुवन आर्मी क्लबले छैटौं संस्करणको आरबीबी–एनभीए राष्ट्रिय महिला तथा पुरुष क्लब भलिबल लिग प्रतियोगिताको पुरुषतर्फ लगातार दोस्रो जित निकालेको छ।

त्रिपुरेश्वरस्थित राखेपको कभर्डहलमा सोमबारको खेलमा आर्मीले गण्डकी प्रदेशलाई ३–० को सेटमा हराउँदा आर्मीले जारी प्रतियोगितामा लगातार दोस्रो जित निकालेको हो। एकतर्फी जस्तो भएको खेलमा आर्मीले गण्डकीमाथि २५–१९, २५–८ र २५–१८ को सेटमा जित निकालेको हो। जितसँगै आर्मीले २ खेलमा ६ अंक जोडेको छ। आर्मी शीर्ष स्थानमा रहेको छ। यस अघि आइतबार भएको पहिलो खेलमा आर्मीले विभागीय टोली एपीएफ क्लबलाई पनि ३–० को सोझो सेटमा हराएर प्रतियोगितामा सुखद सुरुवात गरेको थियो।

प्रतियोगिता अन्तर्गत सोमबार नै भएको पुरुषतर्फको पहिलो खेलमा हेल्प नेपाल स्पोर्ट्स क्लबले ढोरपाटन स्पोर्ट्स क्लबलाई पनि ३–० को सोझो सेटमा पराजित गर्‍यो । हेल्प नेपालले ढोरपाटनलाई २५–२१, २७–२५ र २५–२० को सेटमा जित निकालेको हो । जितसँगै हेल्प नेपालले ३ अंक जोडेको छ । ढोरपाटनको यो लगातार दोस्रो हार हो ।

यसअघि सोमबार भएको महिला तर्फको खेलमा विभागीय टोलीद्वय त्रिभुवन आर्मी क्लब र नेपाल पुलिस क्लबले विजयी सुरुवात गरेका छन्। त्रिपुरेश्वर स्थित दशरथ रंगशालामा सम्पन्न दिनको पहिलो खेलमा आर्मीले एभरेष्ट भलिबल क्लबलाई ३–० को सोझो सेट तथा पुलिसले एपिएफमाथि ३–१ को सेटमा पराजित गर्दा दुई विभागीय टोलीले आइतबारबाट सुरु भएको प्रतियोगितामा विजयी सुरुवात गरेका हुन्। एकतर्फी जस्तो भएको खेलमा आर्मीले एभरेस्टमाथि २५–१९, २५–७ र २५–१८ को सेटमा जित निकालेको हो।

सहज जितसँगै आर्मीले अंक तालिकामा स्पष्ट तीन अंक जोड्न सफल भएको छ। विजयी आर्मीले अब मंगलबार एपिएफसँग खेल्नेछ भने पराजित एभरेष्टले न्यु डायमन्ड स्पोर्ट्स क्लबसँग मंगलबार नै खेल्नेछ।

प्रतियोगिताअन्तर्गत महिला तर्फको दोस्रो खेलमा नेपालले पुलिसले नियमीत स्पाइकर सरस्वती चौधरीविनाको एपिएफलाई ३–१ को सेटमा पराजित गरेको हो । सरस्वती चौधरी चोटका कारण जारी प्रतियोगितामा कोर्ट बाहिर रहेकी छन्। सुरुवाती दुई सेटमा २५–२०, २५–२३ को जित निकोलेको पुलिसले तेस्रो सेट भने १६–२५ ले गुमाएको थियो। तेस्रो सेटमा उत्कृष्ट खेल देखाएको एपिएफ खेलमा फर्किने संकेत देखाए पनि चौथो सेटमा भने असफल भयो। चौथो सेटमा २५–१७ स्कोर निकालेर बलियो एपिएफमाथि पुलिसले रोमाञ्चक जित निकाल्यो।

यस जितसँगै पुलिसले जितबाट प्रतियोगितामा विजयी सुरुआत गरेको छ । यस्तै पराजित एपिएफले भने हारबाट प्रतियोगिताको सुरुआत गरेको छ । अब विजयी पुलिसले बुधबार एभरेष्ट भलिबल क्लबसँग खेल्नेछ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज सुनचाँदीको मूल्यमा स्थिर

बिहानै देखि शिक्षक आन्दोलन जारी

हामी जे गर्छै भनेरै गर्छौ, सरकारले नडराए हुन्छ – अध्यक्ष लिङदेन