सात वर्षपछि पर्दामा देखिँदै शाहरुख र काजोलको जोडी

सिनेमा

नेपाल लाइभ मंगलबार, वैशाख २०, २०७९ ०७:४६

काठमाडौं– बलिउड अभिनेता शाहरुख खान र अभिनेत्री काजोलको जोडी सुपरहिट जोडी हो। एक समय उनीहरु फिल्ममा देखिँदा यसै फिल्मको चर्चा हुन्थ्यो। सँगै पर्दामा देखिँदा दर्शकले निकै रुचाएको यो जोडी ७ वर्षदेखि एकसाथ पर्दामा देखिएको छैन।

७ वर्षअघि रोहित शेट्टीको फिल्म ‘दिलवाले’मा काजोल र शाहरुखले एकसाथ काम गरेका थिए। त्यसयता भने उनीहरुले स्क्रिन सेयर गरेका छैनन्। अब भने उनीहरुलाई दर्शकले सँगै पर्दामा देख्न पाउने भएका छन्।

करण जौहरको फिल्म ‘रकी और रानीकी प्रेम कहानी’मा काजोल र शाखरुहको पुर्नमिलन हुन लागेको हो। उनीहरु सात वर्षपछि यो फिल्ममार्फत एकसाथ फेरि पर्दामा देखिँदै छन्। फिल्ममा मुख्य भूमिकामा भने आलिया भट्ट र रणवीर सिंह रहेका छन्।

भारतीय सञ्चारमाध्यमकाअनुसार यो फिल्ममा काजोल र शाहरुखको सम्पूर्ण छायांकन मुम्बईमा हुनेछ। शाहरुख र काजोलले सँगै फिल्मका दृश्यहरुमा देखिने बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अप्राकृतिक भएकै कारण अब ओली सरकार चल्दैन : अध्यक्ष प्रचण्ड

बनेका सबै सरकार बलिया नै हुन्छन् : महामन्त्री थापा

तीन वटा वैकल्पिक बाटो प्रयोग गरेर खुलाइँदैछ पूर्व–पश्चिम राजमार्ग