काठमाडौं- एसईई वैशाख १७ गते समापन हुँदैछ। परीक्षा सकिँदै गर्दा नीमा एकेडेमी एपले दूरदराजका विद्यार्थीहरुलाई मध्यनजर गर्दै अनलाइन ब्रिज कोर्स कक्षाहरुको व्यवस्था गरेको छ।
नीमा एकेडेमीको ब्रिज कोर्स अन्तर्गत परीक्षार्थीहरुले घरमै बसी ११ कक्षा (विज्ञान, ए-लेबल र व्यबस्थापन) संकायका लागि प्रवेश परीक्षाको तयारी गर्न सक्नेछन्।
करिब ६ हप्ता सम्म, हप्ताको ६ दिन, २ घण्टाको दरले हुने उक्त ब्रिज कोर्समा विज्ञान विषयका सबै सह-विषयहरु, गणित, सामान्यज्ञानका साथै अंग्रेजी पढाउने नीमा एकेडेमीका कार्यकारी प्रमुख निश्चलमान प्रधानले बताए।
‘न्यूनतम शुल्कमा गुणस्तरीय शिक्षा प्रदान गर्ने’ सन्दर्भमा नीमा एकेडेमी सुरुवाती दिनदेखि नै अग्रसर रहेको उनको भनाइ थियो।
बिहान ७-९, दिउँसो १-३ र बेलुका ६-८ गरि ३ चरणमा, शिक्षार्थीहरुले अनलाइन मार्फत आफ्नो अनुकूलता अनुसार सहजै अध्ययन गर्न सक्नेछन्।
साथै, यो अनलाइन ब्रिज कोर्सले काठमाडौँ बाहेकका अन्य शहर, गाउँ र देशका कुनाकाप्चामा बस्ने भाइबहिनीहरुले पनि राजधानीकै गुणस्तर शिक्षा अब आफ्नै ‘कम्फर्ट जोनबाट’ पढ्न सक्ने सुविधा ल्याएको नीमा एकेडेमीका प्रमुख सञ्चालन अधिकृत नेहा जोशीले बताइन्।
हप्ताको ६ दिन र दिनको २ घण्टा ( २ वटा कक्षाहरु ) अनलाइन मार्फत कुल ७२ कक्षाहरु सञ्चालन हुने एकेडेमीले जनाएको छ। एकेडेमीका विषयवस्तु-लेखक खिम बहादुर क्षेत्रीका अनुसार, ई-लर्निङ्गलाई प्रश्रय दिने हेतुले प्रविधिको उच्चतम प्रयोग गर्दै विद्यार्थीलाई ‘रिमोट लर्निङ्ग एक्सेस’ दिने कुरामा नीमा एकेडेमीले यस शैक्षिक सत्रमा अनलाईन प्लस टु इन्ट्रान्स प्रिपरेसन फ्रम होम सुरु गरेको हो। विद्यार्थीहरुले इन्टरनेट जडित जुनसुकै डिभाइसबाट पनि यो ६ हप्ते कोर्स सहजै लिन सक्ने उनी बताउँछन्।
नेपालकै दक्ष, अनुभबी तथा विशिष्ट शिक्षकहरुबाट अध्यापन गराइने यो प्याकेजमा विज्ञान ( भौतिक-शास्त्र, रसायन-शास्त्र, वनस्पति-शास्त्र, प्राणी-शास्त्र ), गणित, अंग्रेजी र सामान्यज्ञान विषयहरु पढाइने छ। यो कोर्ष अन्तर्गत विद्यार्थीले आफूलाई पायक पर्ने स्थानबाट सोझै ११ कक्षा को प्रवेश परीक्षाका लागी तयारी गर्न सक्नेछन्।
यो कोर्समा लिनुपरेमा नीमा एकेडेमीको फेसबुक र इन्स्टाग्राममा सन्देश पठाउन सकिने छ।
नीमा एजुकेसन फाउन्डेसनद्वारा सन् २०१८ मा २१औ शताब्दीको शिक्षाको आवश्यकता र प्रविधिमैत्री विश्वसँगै नेपाली शिक्षा जगतमा ई- लर्निङ्गलाई आत्मसात गरी नेपाली शिक्षा जगतमा कदम चालेको प्लेटफर्म हो नीमा एकेडेमी। यो एप अन्तर्गत विद्यार्थीहरुले प्राज्ञिक,गैरप्राज्ञिक तथा सीपमूलक, जीवनोपयोगी शिक्षा अनलाइन तथा अफलाइन दुवै माध्यममा, एप र वेबका मार्फत जहाँ बसेर पनि पढ्न / सिक्न सक्ने व्यवस्था रहेको छ।
मुख्यगरी नीमा एकेडेमी एपमा करिब ४५,०००+ विधार्थीहरुले रमाइलो गर्दै , पाठ्यक्रम विकास केन्द्रद्वारा पारित गरेको मापदण्ड अनुरुपका विषयहरु पढ्दै आएका छन्। खेल खेल्दै, चाखलाग्दो तरिकाले सामान्य ज्ञान र हाजिरीजवाफको सहायताले नयाँ र प्रभावकारी डिजिटल पद्धतिबाट अध्ययन गर्दै आएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
