काठमाडौं– गाब्रियल जेससको ह्याट्रिकसहित चार गोल प्रेरित म्यानचेस्टर सिटीले इंग्लिस प्रिमियर लिगमा सानदार जित निकालेको छ।
शनिबार राति सिटीले घरेलु मैदानमा वाट्फोर्डमाथि ५–१ को सानदार जित निकालेको हो। एक गोल रोड्रीले गर्दा वाट्फोर्डका हसाने कामराले एक गोल फर्काए।
खेलको चौंथो मिनेटमा जेससले गोल गर्दै सिटीलाई अग्रता दिलाए। २३औं मिनेटमा जेससले व्यक्तिगत दोस्रो गोल गर्दै सिटीको अग्रता २–० को बनाए।
२८औं मिनेटमा कामराले गोल गर्दै वाट्फोर्डलाई २–१ को स्थितिमा ल्याए। तर, ३४औं मिनेटमा रोड्रीले गोल गर्दै सिटीको अग्रता ३–१ को बनाए।
४९औं मिनेटमा जेससले पेनाल्टीमा गोल गर्दै ह्याट्रिक पूरा गरे। त्यसपछि ५३औं मिनेटमा जेससले व्यक्तिगत चौंथो गोल गर्दै सिटीलाई ५–१ को जित दिलाए।
जितसँगै शीर्ष स्थानमा रहेको सिटीले यो सिजनको लिग जित्ने सम्भावनालाई बलियो बनाएको छ। सिटीको ३३ खेलबाट ८० अंक पुगेको छ। सिटीले दोस्रो स्थानको लिभरपुललाई ४ अंकले पछि पारेको छ। लिभरपुलको ७६ अंक छ।
पराजित वाट्फोर्ड २२ अंक जोडेर रेलिगेसन जोनको १९औं स्थानमा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773643707.png)
