काठमाडौं– लन्डन क्लब आर्सनलले इंग्लिस प्रिमियर लिगमा म्यानचेस्टर युनाइटेडलाई पराजित गरेको छ। इमिरेट्स स्टेडियममा शनिबार साँझ भएको खेलमा आर्सनलले घरेलु मैदानमा युनाइटेडलाई ३–१ ले पराजित गरेको हो।
घरेलु टोलीको जितमा नुनो टाभारेस, बुकायो साका र ग्रानिट झाँकाले गोल गरे। युनाइटेडका लागि क्रिस्टियानो रोनाल्डोले एक गोल फर्काए।
खेलको तेस्रो मिनेटमै नुनो टाभारेसको गोलबाट घरेलु टोलीले सुरुआती अग्रता लिएको थियो। २७औं मिनेटमा एडवार्ड एनकेटिएले गोल गरेपनि अफसाइड हुँदा गोलले मान्यता पाए। तर, ३४औं मिनेटमा बुकायो साकाले पेनाल्टीमा गोल गर्दै आर्सनलको अग्रता दोब्बर पारे।
एलेक्स टेलासले पेनाल्टी बक्समा बुकायो साकालाई फउल गरेपछि प्राप्त पेनाल्टीमा साका आफैँले गोल गरे। ३४औं मिनेटमा रोनाल्डोले गोल गर्दै खेललाई २–१ को अवस्थामा ल्याए।
५७औं मिनेटमा ब्रुनो फर्नान्डेस पेनाल्टीमा चुक्दा युनाइटेड बराबरीबाट चुक्यो। नुनो टाभारेसले माटिचलाई फउल गरेपछि रेफ्रीले भीएआरको सहायता लिँदै युनाइटेडलाई पेनाल्टी प्रदान गरेका थिए।
७०औं मिनेटमा ग्रानिट झाँकाले मोहम्मद इलनिनेको पासमा गोल गर्दै टोलीको जित पक्का गरे।
जितसँगै आर्सनलको शीर्ष चारमा रहने सम्भावना बलियो बनेको छ। जितसँगै चौथो स्थानमा उक्लिएको आर्सनलको ३३ खेलबाट ६० अंक पुगेको छ। एक खेल बढी खेलेको युनाइटेड ५४ अंक जोडेर छैटौं स्थानमा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
