पल प्रकरणमा नाबालिग गायिकाले बयान फेरेपछि पूजा भन्छिन्– धन्यवाद भगवान्

समाचार

नेपाल लाइभ आइतबार, वैशाख ४, २०७९ १८:३६

काठमाडौं– अभिनेता पल शाहविरुद्ध केही समयअघि बलात्कारको उजुरी पर्दा उनीसँगै अभिनेत्री पूजा शर्मा अभिनित फिल्म ‘म यस्तो गीत गाउँछु २’ प्रदर्शनको तयारीमा थियो। पल पक्राउ पर्दा फिल्म प्रदर्शन हुन सुरु भयो।

फिल्मको निर्माता पनि रहेकी अभिनेत्री पूजाले पल पक्राउ भएको विषयलाई आधार मान्दै फिल्मलाई निकै प्रचार पनि गरेकी थिइन् भने विभिन्न युट्युब च्यानल तथा सार्वजनिक स्थानमा अन्तर्वार्ता दिँदै उनी ‘पलविरुद्ध षड्यन्त्र’ भएको भन्दै रोएकी पनि थिइन्।

आइतबार तनहुँमा बलात्कारको उजुरी दिएकी नाबालिग गायिकाले आफ्नो बयान फेरेको विषय सार्वजनिक हुँदा भने पूजाले सामाजिक सञ्जालमार्फत् आफ्नो प्रतिक्रिया दिएकी छन्। आइतबार पीडित भनिएकी नाबालिग गायिकाले अदालतमा बकपत्र गर्ने क्रममा पलले बलात्कार नगरेको भनेर बयान दिएपछि उनको मुद्दामा ट्वीस्ट आएको छ।

‘धन्यवाद भगवान्’, पूजाले सामाजिक सञ्जालमार्फत् यो प्रतिक्रिया दिएकी छन्। स्मरण रहोस्, पलविरुद्ध बलात्कारको उजुरी पर्दा पूजाले निकै दु:ख पोखेकी थिइन्।

एकातिर प्रदर्शनको तयारीमा रहेको फिल्म प्रभावित होला भन्ने डरले फिल्मको प्रचारका लागि भएको पत्रकार सम्मेलनमै रुनेदेखि फिल्म प्रदर्शन हुँदा हलमा पुगेर दर्शक सामुन्ने पललाई सम्झेर भावुक हुने काम पूजाले गरेकी छन्।

आइतबार अदालती बकपत्रमा नाबालिग गायिकाले बयान फेरेको विषय सार्वजनिक हुँदा भने पूजाले ‘भगवान्‌लाई धन्यवाद’भन्दै आफ्नो खुसी व्यक्ति गरेकी छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनसेल नेपाल सुपर लिगको लागि खल्ती र आइएमई पे आधिकारिक टिकेटिङ पार्टनर

परराष्ट्र मन्त्री राणा र भारतीय विदेश मन्त्री जयशंकरबीच भेटवार्ता

गाजा आक्रमण: ४ सयभन्दा बढी मारिए, सुरक्षित स्थानतर्फ जाँदै स्थानीय