काठमाडौं– ‘भैंसी काण्ड’मा जोडिएका पोखरा महानगरपालिकाका निर्वतमान कानुनी सल्हाकार तथा कानुन व्यवसायी कमलप्रसाद अर्यालले ठगी नगरेको दाबी बयान दिएका छन्।
कसको भैंसी भन्ने विवादमा भैंसी धनी भनिएका व्यक्ति रामबहादुर दमैबाट मुद्दा हार्दा पनि जितियो भनेर रकम लिई ठगी गरेको घटनामा उनले इन्कारी बयान दिएका हुन्।
अन्नपूर्ण गाउँपालिकाको न्यायिक समिति र जिल्ला अदालत कास्कीको फैसला विपरीत मिलापत्र गराएर हिरासत मुक्त भएका अर्यालयले अदालतसमक्ष बयानका क्रममा ठगी नगरेको भन्दै इन्कारी बयान दिएका हुन्।
२७/२८ वर्षदेखि पोखरामा कानुन व्यवसायमा आबद्ध भई काम गर्दै आएको र सोही सिलसिलामा आफ्नो ल फर्ममै दमैसँग भेट भई उनैले भनेर अनुसारको उनको पक्षबाट बहस गरेको अर्यालको भनाइ छ। आफ्नो भैंसीलाई फार्म सञ्चालक रामप्रसाद ढुंगानाले दाबी गरेको र गाउँपालिकाको न्यायिक समितिले समेत फार्म सञ्चालक समितिकै पक्षमा निर्णय गरेकाले त्यसविरुद्ध पुनरावेदन गर्न जिल्ला अदालत आएको बताए पनि दमैको पक्षबाट बहस गरेको अर्यालले बताएका छन्।
‘मुद्दाको प्रक्रिया चल्दै थियो। न्यायिक समितिबाट मिसिल आएपछि पेसी चढ्यो। मैले जाहेरवाला दमैको पक्षबाट बहस गरेको थिएँ’ बयानमा अर्यालले दाबी गरेका छन्, ‘त्यसवापतको पारिश्रमिक मैले लिएको हो। हारेको मुद्दालाई जितियो भन्दै पैसा लिएर ठगी गरेको छैन।’
हारेको मुद्दालाई जितियो भन्दै अतिरिक्त रकम लिएर ठगी गरेको थाहा पाएपछि दमैले अर्यालविरुद्ध जिल्ला प्रहरी कार्यालय कास्कीमा जाहेरी दिएका थिए। त्यसपछि ढुंगानालाई पनि प्रहरीले पक्राउ गरी अनुसन्धान सुरु गरेको थियो।
ठगी मुद्दाको अनुसन्धानका लागि हिरासतमा रहेका अर्यालयले भैंसी धनी भनिएका रामबहादुर दमै र फार्म सञ्चालक रामप्रसाद ढुंगानाबीच मिलापत्र गराइ आफूविरुद्धको ठगी मुद्दा फिर्ता लिन लगाएर हिरासत मुक्त भएका थिए।
कास्कीको अन्नपूर्ण गाउँपालिका–१० का रामबहादुर दमैको दुईवटा भैंसी हराएको थियो। उक्त भैंसी अन्नपूर्ण गाउँपालिका–८ स्थित थमडाँडामा रहेको थमडाँडा सामूहिक अर्ग्यानिक कृषि तथा पशुपंक्षी फार्ममा भेटिएको थियो। फार्म सञ्चालक रामप्रसाद ढुंगानाले ती भैंसी आफ्नो दाबी गरेका थिए भने दमैले पनि आफ्नो दाबी गरेका थिए।
भैंसी कसको भन्ने उक्त विवाद गाउँपालिकाको न्यायिक समितिदेखि कास्की जिल्ला अदालतसम्म पुगेको थियो। न्यायिक समितिले उक्त भैंसी फार्म सञ्चालककै हुने ठहर गरेको थियो।
त्यसपछि दमै उक्त निर्णयविरुद्ध जिल्ला अदालत पुगेका थिए। कास्की अदालतले समेत उक्त भैंसी फार्म सञ्चालककै रहेको फैसला गरेपछि दमैले मुद्दा हारेका थिए।
तर, वकिल अर्यालले भने दमैलाई मुद्दा जितेको भन्दै अतिरिक्त पारिश्रमिक स्वरुप ५ हजार रुपैयाँ लिएका थिए। वकिल अर्यालले मुद्दा जितेको भन्दै बधाई दिँदै ५ हजार मागेपछि दमैले उनलाई पैसा दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791212224.jpg)
-1786602170.png)
-1791090469.jpeg)
