काठमाडौं– नेपाली कांग्रेसको महामन्त्रीमा भारी मतका साथ गगन थापा निर्वाचित भए। उनले झण्डै ६५ प्रतिशत मत पाए। बिहीबार भएको मतगणनामा थापाले ६४.५६ प्रतिशत मत पाएका हुन्।
महामन्त्रीका लागि ४६८२ मत खसेको थियो। जसमध्ये ४३ मत बदर भएको थियो। थापाले ३०२३ मत पाएका छन्। उनले पाएको मत सभापतिमा शेरबहादुर देउवाले पाएको मतभन्दा बढी हो। सभापति देउवाले दोस्रो चरणको चुनावमा २७३३ मत पाएका थिए। त्यतिबेला ४६२३ मत खसेको थियो।
थापासँगै महामन्त्रीमा विश्वप्रकाश शर्मा विजयी भएका छन्। उनले १९८४ मत पाएका छन्। महामन्त्रीका प्रत्याशीहरु प्रकाशशरण महत १५५६, प्रदीप पौडेलले १४९३, मीनेन्द्र रिजालले ८०९ र राजाराम कार्कीले १०६ मत पाएको कांग्रेस निर्वाचन समितिले जनाएको छ।
महामन्त्रीमा निर्वाचित भएपछि कार्यकर्ताहरूले गगनलाई बधाई तथा शुभकामना दिएका छन्। थापाले धन्यवाद ज्ञापन गर्न अनुपम पार्टी प्यालेसमा आयोजना गरेको कार्यक्रममा पुगेर कांग्रेस कार्यकर्ता एवं शुभेच्छुकहरूले उनलाई बधाई दिँदै खुशी साटेका छन्।
थप तस्बिर :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
