काठमाडौं- नेकपा (एमाले) कञ्चनपुरको नेतृत्व चयनका लागि भएको निर्वाचनको मतगणना कार्य जारी छ।
३ सय ७० मत गणना हुँदा अहिलेसम्म अध्यक्षसहितका पदाधिकारीमा सुरेन्द्र विष्ट प्यानलले अग्रता लिइरहेको छ।
पछिल्लो परिणाम अनुसार अध्यक्षमा विष्टले २ सय २० र उनका प्रतिस्पर्धी वीरबहादुर थापाले १ सय ४५ मत प्राप्त गरेका छन्।
त्यस्तै, उपाध्यक्षमा विष्ट प्यानलका लक्ष्मी बुढा २ सय ११ र थापा प्यानलका महेशप्रसाद पन्तले १ सय ५१ मत प्राप्त गरेका छन्।
सचिवमा विष्ट प्यानलका पल्लवराज भट्टको १ सय ८८ र थापा प्यानलका अशोक चन्दको १ सय ७३ मत प्राप्त गरेका छन्।
उपसचिवमा विष्ट प्यानलका कर्णबहादुर चन्दले २ सय ७५ र फैरु तामाङले २ सय ३८ मत प्राप्त गरेका छन्। थापा प्यानलका शेरबहादुर चन्दले १ सय ५५ मत प्राप्त गरेका छन्।
थापा प्यानलबाट उपसचिवमा उम्मेदवारी दिएकी ईश्वरा कुँवरले भने उम्मेदवारी फिर्ता लिएकी थिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
