काठमाडौं- दक्षिण अफ्रिकी फास्ट बलर लुन्गी एनगिडी पुनरागमन गर्ने तयारीमा छन्।
उनी पहिले नै धेरै चोटबाट गुज्रिसकेका छन्, जसले उनको करियर समाप्त गर्न सक्नेछ। २५ वर्षीय एनगिडीले पछिल्लो पाँच महिनादेखि कुनै पनि प्रतिस्पर्धात्मक क्रिकेट खेलेका छैनन्।
व्यक्तिगत कारणले उनी श्रीलंका भ्रमणमा गएनन्, इन्डियन प्रिमियर लिग (आईपीएल) र विश्वकपमा कुनै खेल खेल्ने मौका पाएनन्। कोरोना संक्रमणमुक्त भएका उनी पुनरागमनको लागि तयारी अवस्थामा छन्।
उनी भन्छन्,‘म नेदरल्यान्ड्सविरुद्धको एक दिवसीय सिरिजका लागि उत्साहित थिएँ, तर त्यसपछि मलाई कोरोना संक्रमण भयो। कोरोना संक्रमण भएको चौथो र पाँचौं दिन निकै डरलाग्दो अवस्था सिर्जना भयो। तर, पछिका दिनहरू सहज हुँदै गयो। हो, मैले आराम गर्नुपर्यो।’
उनले आफ्नो अन्तिम अन्तर्राष्ट्रिय खेल छ महिनाअघि जुलाइमा आयरल्याण्डविरुद्ध खेलेका थिए। उनले यो वर्ष चार टेस्ट खेल खेलेका छन् भने घरेलु क्रिकेटमा उनको प्रतिनिधित्व शून्य रहेको छ।
एनगिडीले चार वर्षअघि टेस्टमा डेब्यू गरेका थिए। तर, यो अवधिमा उनले १० टेस्ट खेलमात्रै खेलेका छन्। यद्यपि, मखाया एनटिनी र डेल स्टेनसँग यस्तो भएको छ, जब उनीहरूले दक्षिण अफ्रिकाका लागि पहिलो १० टेस्ट खेल्न क्रमशः ३२ र २५ खेल कुर्नुपरेको थियो। एनगिडीले डेब्यू गरेदेखि दक्षिण अफ्रिकाले २६ टेस्ट खेलेको छ।
तर, उनको करिअर चोटले बढी प्रभावित भएको छ। उनले चोटका कारण २०१८/१९ मा श्रीलंका र पाकिस्तानविरुद्ध पाँच टेस्ट खेलेका थिएनन्। त्यसैगरी सन् २०१९/२० सिजनमा पनि उनी इङ्ल्यान्डविरुद्धको चार टेस्टको शृङ्खलामा चोटका कारण अनुपस्थित थिए।
त्यसयता उनले आफ्नो फिटनेसलाई सुधार गर्दै श्रीलंका र वेस्ट इन्डिजविरुद्ध दुई-दुई घरेलु टेस्ट खेलेका छन्। तर, उनी आईपीएल र टी-२० विश्वकपमा बाहिर बस्नुपरेको थियो।
उनी भन्छन्, ‘टी–२० मा सबै टिम फरक-फरक संयोजनका साथ खेल्छन् र कसै-कसैलाई बाहिर बस्नुपर्ने हुन्छ। संयोगवश मलाई पनि त्यस्तै भयो। तर, यदि यो टोलीको लागि राम्रो हो र त्यसले टोलीले जित्यो भने फेरि यसभन्दा राम्रो अरू केही हुन सक्दैन।’
जोस हेजलवुडले आईपीएलमा चेन्नई सुपर किंग्सका लागि राम्रो खेलिरहेका थिए, त्यसैले उनलाई हटाउनु कुनै अर्थ थिएन। त्यसैगरी, विश्वकपमा उनको टोलीले अस्ट्रेलियासँगको पहिलो खेलबाहेक अन्य खेलमा सतप्रतिशत नतिजा निकालेको थियो।
प्लेइङ इलेभेनमा नहुँदा अभ्यासका लागि बढी समय हुने भएकाले नेटमा बढी समय बिताउने गरेको उनले बताए। हेर्दा भारतविरुद्ध उनको छनोट सहज हुनेवाला छैन। दक्षिण अफ्रिकी टोलीमा आठ जना फास्ट बलर रहेका छन्, जसमध्ये कागिसो रबाडा र अन्रिक नोर्खिएको छनोट लगभग निश्चित छ। यसबाहेक, एक फास्ट बलिङ अलराउन्डर टोलीमा हुन सक्छ, जसमा वियान मुल्डरको नाम अगाडि रहेको छ। डुएन ओलिभिएरको पुनरागमनले एनगिडी पुनस् टोलीमा समेटिने सम्भावना कमजोर बनाइरहेको छ। यद्यपि, एनगिडी यसबारे चिन्तित छैनन्।
‘टोलीमा प्रतिस्पर्धा छ र यो राम्रो कुरा हो। यसले खेलाडीहरूलाई राम्रो गर्न प्रोत्साहित गर्छ,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
