लाइनमा उभिएर यसरी मत मागिरहेका छन् कांग्रेस सभापतिका प्रत्यासीहरू

महाधिवेशन विशेष

नेपाल लाइभ मंगलबार, मंसिर २८, २०७८ १६:४६

काठमाडौं– नेपाली कांग्रेसको जारी १४औं महाधिवेशमा सभापतिका उम्मेदवार रहेका शेरबहादुर देउवा र डा शेखर कोइरालाले मतदातासँग मत मागिरहेका छन्।

राष्ट्रियसभा गृहमा रहेको मतदान केन्द्रमा मतदानका लागि लाइनमा बसेका मतदातासँग दुवै नेताले मत मागिरहेका छन्। कोइरालाका पक्षमा गगन थापा, चन्द्र भण्डारी, जीवन परियार, बद्री पाण्डे लगायतका नेताहरूले मत मागिरहेका छन्।

सोमबार भएको निर्वाचनमा सभापति पदमा प्रत्यासी कसैको पनि ५१ प्रतिशत मत नपुगेपछि कांग्रेसको विधान अनुसार सभापति पदका लागि पुनः मतदान भएको हो।

मतदानका लागि साँझ साढे ७ बजेसम्मको समय तय गरिएको छ। अहिले मतदान जारी छ।

पहिले बसेर मत मागिरहेका देउवाले अहिले लाइनमा उभिएरै मत मागिरहेका छन्। उनले मत खसाल्न जान थालेका प्रकाशमान सिंहलाई आफूतिर तानेर छलफल गरेका छन्।

पहिलो चरणको मतदानमा प्रधानमन्त्री समेत रहेका देउवाले २ हजार २५८ र उनका निकटतम प्रतिद्वन्द्वी कोइरालाले एक हजार ७०२ मत ल्याएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भन्सार दर घटेपछि तोलामै १५ हजार ९ सय घट्यो सुन

एनपीएलको ट्रफी सार्वजनिक, क्षमताअनुसार सरकारले प्रोत्साहन गर्ने प्रधानमन्त्रीको प्रतिवद्धता

यस्तो छ आजका लागि विदेशी मुद्राको विनिमय दर