कांग्रेस महाधिवेशन अपडेट : ४२ सय मत खस्यो, राति १० बजेसम्म मतदान हुने

महाधिवेशन विशेष

नेपाल लाइभ सोमबार, मंसिर २७, २०७८ २१:०९

काठमाडौं- नेपाली कांग्रेसको जारी १४औं महाधिवेशन अन्तर्गतको मतदान अन्तिम चरणतिर पुगेको छ।

महाधिवेशन मिडिया सेन्टरका संयोजक डा सुरेश आचार्यका अनुसार निर्वाचनमा राति ८:३० बजेसम्म चार हजार दुई सय जनाले मतदान गरेका छन्।

कूल १३२ पदका लागि ४८७ उम्मेदवार चुनावी प्रतिस्पर्धामा छन्। कांग्रेसले मतदान गर्नका लागि राष्ट्रिय सभा गृहमा एक स्थान र भृकुटीमण्डपमा दुई स्थानमा मतदानको व्यवस्था गरेको छ।

मतदानका लागि एक जना प्रतिनिधिलाई करिब आधा घण्टाभन्दा बढी समय लागेको जनाइएको छ।

बिहान ८ बजेदेखि नै मतदान गर्ने भनिए पनि मतपत्र छपाइमा भएको ढिलाइले दिउँसो १२ बजेदेखि मात्र मतदान सुरु भएको थियो।

यसअघि निर्वाचन समितिले राति ९ बजेसम्म मतदान हुने जनाएको थियो। तर, ५ सय बढीले मतदान गर्न बाँकी रहेकोले राति १० बजेसम्म समय थप गरिएको निर्वाचन समितिका सचिव जगन्नाथ श्रेष्ठले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज सुनचाँदीको मूल्यमा स्थिर

बिहानै देखि शिक्षक आन्दोलन जारी

हामी जे गर्छै भनेरै गर्छौ, सरकारले नडराए हुन्छ – अध्यक्ष लिङदेन