काठमाडौं- नेपाली कांग्रेसका सभापति शेरबहादुर देउवाले कार्यक्रम उद्घोषण गरिरहेका प्रवक्ता विश्वप्रकाश शर्मालाई पटक-पटक बोलाएर घडीतिर संकेत गरेका छन्। ढिलागरी सुरु भएको उद्घाटन सत्रलाई सकेसम्म छोट्याउन उनले संकेत गरिरहेका हुन्।
कांग्रेसले महाधिवेशन १ बजे सुरु गरेर ३ बजेभित्र सक्ने निर्धारण गरेको थियो। तर सुरु हुन नै २:४५ को समय लाग्यो। त्यसकारण उद्घाटन समारोह सकिने अझै केही समय लाग्ने देखिन्छ।
प्रधानमन्त्रीसमेत रहेका देउवालाई हतारो हुनुको कारण उनको गुटमा नटुङ्गिएको उम्मेदवारी हो। एउटै पदमा धेरै आकांक्षी देखिँदा उनलाई सकस परेको हो।
सभापतिमा दोहोरिने तयारी गरेका उनी अर्को गुटका नेताहरुसँगसमेत छलफल गरिरहेका छन्। उम्मेदवारी दिन समय निकटमा आइपुग्दा पनि उम्मेदवार टुङ्ग्याउन नसकेको अवस्थामा उनलाई हतारो भएको हो।
देउवाको निर्देशनलाई आत्मसाथ गर्दै शर्माले शुभकामना दिने नेताहरुलाई समयको ख्याल गरिदिन आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
