महाधिवेशनमा सहभागी हुन पुगेकाहरु नारायणी किनार क्षेत्रमा [तस्बिरहरु]

महाधिवेशन विशेष

बीपी अनमोल शुक्रबार, मंसिर १०, २०७८ ०७:२९

चितवन– नेकपा एमालेको १०औं राष्ट्रिय महाधिवेशन आजदेखि चितवनमा सुरु हुँदै छ। दिउँसो १२ बजे हुने उद्घाटन समारोहमा सहभागी हुन देशभरबाट नेता कार्यकर्ता यतिबेला चितवन आउने क्रम जारी छ।

नेकपा एमालेले आज मध्यान्ह १२ बजे भव्य समारोहबीच महाधिवेशनको उद्घाटन गर्दैछ। एमाले अध्यक्ष केपीशर्मा ओलीले महाधिवेशन उद्घाटन गर्ने कार्यक्रम रहेको छ।

महाधिवेशनको उद्घाटनस्थल नारायणी नदी किनारलाई मेहनतपूर्वक सजाइएको छ। ठाउँठाउँमा सेल्फी प्वाइन्ट बनाइएको छ। ठूलो मञ्च बनाइएको छ।

महाधिवेशनमा २ हजार १७५ प्रतिनिधि, १०३ जना पर्यवेक्षक र लाखौं अन्य शुभेच्छुक र दर्शक सहभागी हुने आकलन गरिएको छ। एमाले नेतृत्वले भने करिब पाँच लाख सहभागीका बीच उद्घाटन सत्र सम्पन्न हुने दाबी गरेको छ।

उद्घाटन समारोहमा ५ लाख मानिस उतार्ने उमालेको दाबी छ। देशका विभिन्न भागबाट चितवन पुगेका मानिसहरुको भिड बिहानैदेखि बढेको छ।