काठमाडौं- म्यानमारको सैन्य अदालतले ११ वर्षको जेल सजाय सुनाएका अमेरिकी पत्रकार डेनी फेनस्टर रिहा भएका छन्।
फेनस्टर आप्रवासन कानुनको उल्लंघन गरेको र सेनाविरुद्ध जनतालाई भड्काउने प्रयास गरेको मुद्दामा दोषी पाइएपछि उनलाई सजाय सुनाइएको थियो।
फेनस्टर अनलाइन न्युज पोर्टल फ्रन्टियर म्यानमारका प्रबन्ध सम्पादक हुन् र उनलाई गत मे महिनामा यांगुन अन्तर्राष्ट्रिय विमानस्थलबाट गिरफ्तार गरिएको थियो। उनीलाई आफ्नो परिवार भेट्न म्यानमार छोड्न खोज्दा जुन्ता सरकारले पक्राउ गरेको थियो।
१ सय ७६ दिन हिरासतमा बिताएका फेन्स्टरलाई गत हप्ता सेना, गैरकानूनी संघसंस्थामा संलग्न रहेको र अध्यागमन कानुनको उल्लघंन गरेको आरोपमा ११ वर्षको जेल सजाय सुनाइएको थियो।
उनीविरुद्ध यसै साता उनीमाथि देशद्रोह र आतंकवादका दुई अतिरिक्त अभियोग पनि थपिएको छ। यी २ नयाँ अभियोगमा दोषी पाइए आजीवन कारावासको सजाय हुने म्यानमारका स्थानिय मिडियाहरुले जनाएका छन्। यसबारे भने अझै फैसला आइसकेको छैन।
यद्यपि, जुन्ता प्रवक्ता जाव मिन तुनले उनलाई निर्वासन गरिने बताए। ‘उनलाई रिहा गरिएको छ र निर्वासन गरिनेछ। थप विवरण पछि जारी गरिनेछ’, उनले भने।
प्रजातन्त्रवादी नेतृ आङ साङ सुकीसहितका ठूला नेतालाई पक्राउ गर्दै सेनाले गत फेब्रुअरीमा ‘कू’ गरेको थियो। सेनाको ‘कू’ सँगै म्यानमारको अवस्था थप बिग्रिँदै गएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782563266.png)
-1764146706.png)
