काठमाडौं- अमेरिकी पत्रकार डेनी फेनस्टरलाई म्यानमारको एक सैन्य अदालतले ११ वर्षको जेल सजाय सुनाएको छ।
फेनस्टर आप्रवासन कानुनको उल्लंघन गरेको र सेनाविरुद्ध जनतालाई भड्काउने प्रयास गरेको मुद्दामा दोषी पाइएपछि उनलाई सजाय सुनाइएको हो।
फेनस्टर अनलाइन न्युज पोर्टल फ्रन्टियर म्यानमारका प्रबन्ध सम्पादक हुन् र उनलाई गत मे महिनामा यांगुन अन्तर्राष्ट्रिय विमानस्थलबाट गिरफ्तार गरिएको थियो।
उनीविरुद्ध यसै साता उनीमाथि देशद्रोह र आतंकवादका दुई अतिरिक्त अभियोग पनि थपिएको छ। यी २ नयाँ अभियोगमा दोषी पाइए आजीवन कारावासको सजाय हुने म्यानमारका स्थानिय मिडियाहरुले जनाएका छन्। यसबारे भने अझै फैसला आइसकेको छैन।
अमेरिकाले उनको रिहाइको प्रयास गर्दै आएको छ। म्यानमारस्थित अमेरिकी दूतावासले भन यस विषयमा कुनै प्रतिक्रिया दिएको छैन।
प्रजातन्त्रवादी नेतृ आङ साङ सुकीसहितका ठूला नेतालाई पक्राउ गर्दै सेनाले गत फेब्रुअरीमा ‘कू’ गरेको थियो।
सेनाको ‘कू’ सँगै म्यानमारको अवस्था थप बिग्रिँदै गएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
