कार्यालय समयमा सवारी चालक अनुमतिपत्रको अनलाइन आवेदन बन्द हुने

अर्थ समाचार

नेपाल लाइभ सोमबार, कात्तिक २९, २०७८ १६:२६

काठमाडौं- यातायात व्यवस्था विभागले कार्यालय समय (बिहान १० देखि साँझ ५ बजेसम्म)मा सवारी चालक अनुमतिपत्रको अनलाइन आवेदन बन्द गरेको छ।

विभागले सोमबार सूचना जारी गरी दैनिक सवारी चालक अनुमतिपत्रसम्बन्धी कार्यमा असर परेको भन्दै उक्त अवधिमा अनलाइन आवेदन बन्द रहने जानकारी दिएको हो।

सूचना अनुसार अब साँझ ५ बजेदेखि बिहान १० बज्‍नुअघिको समयमा मात्र अनलाइन आवेदन दिनसक्ने भएको छ।

'सवारी चालक अनुमतिपत्रको अनलाइन आवेदन प्रणालीमा अधिक चाप भइ यातायात व्यवस्था कार्यालयहरुबाट हने दैनिक सवारी चालक अनुमतिपत्रसम्बन्धी कार्यमासमेत असर परेकोले सेवाग्राहीको हितलाई ध्यानमा राखी सवारी चालक अनुमतिपत्रको अनलाइन आवेदन प्रणाली बिहान १० बजेदेखि अपराह्न ५ बजेसम्म बन्द रहने व्यहोरा सबैको जानकारीका लागि अनुरोध छ,' विभागले जारी गरेको सूचनामा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यस्तो छ आजको तरकारी र फलफूलको थोक मूल्य

भिट्ठामोड सुख्खा बन्दरगाह निर्माणमा सहयोग गर्ने अध्यक्ष प्रचण्डको प्रतिबद्धता

बलात्कार आरोपमा एकीकृत समाजवादीका नेता पक्राउ