तरलताको समस्या तत्काल समाधान नगरिए दीर्घकालीन असर पुर्‍याउनेछ : चन्द्र ढकाल

अर्थ समाचार

नेपाल लाइभ शुक्रबार, कात्तिक २६, २०७८ १९:५४

भक्तपुर- नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले बैंकिङ क्षेत्रमा देखिएको तरलताको समस्या तत्काल समाधन गर्नुपर्ने बताएका छन्।

शुक्रबार भक्तपुर उद्योग वाणिज्य संघको ३४औँ वार्षिक साधारणसभा तथा अधिवेशनको उद्घाटन समारोहमा बोल्दै वरिष्ठ उपाध्यक्ष ढकालले कोभिड-१९ को महामारीबाट थला परेको व्यावसायिक क्षेत्र विस्तारै सुधार हुने अवस्थामा रहेको हुँदा अहिले बजारमा देखिएको तरलताको समस्या समाधानका लागि तत्काल पहल लिन नेपाल सरकार तथा नेपाल राष्ट्र बैंकलाई आग्रह गरे।

'विगत दुई वर्षभन्दा लामो समयदेखि कोभिड-१९ को महामारीबाट शिथिल रहेको उद्योग व्यवसाय विस्तारै सुधार हुने अवस्थामा रहेको थियो। तर, अहिले बैंकिङ क्षेत्रमा देखिएको तरलता समस्याले यसलाई थप मारमा पारेको छ। यसलाई तत्काल समाधान गरिएन भने यसले ठूलो र दीर्घकालीन समस्या पुर्‍याउनेछ,' उनले भने।

बजारमा देखिएको तरलताको समस्या समाधानका लागि महासंघको तर्फबाट पनि सरकारको ध्यानाकर्षण गरिसकेको उनले बताए।

यस वर्ष बजेट ल्याउन ढिलो हुँदा सरकारी खर्च कम भएको र रेमिट्यान्सको आप्रवाह पनि घटेकोले बजारमा तरलता अभाव देखिएको उनले बताए। मुलुकको आर्थिक विकासमा निजी क्षेत्रको भूमिकाको चर्चा गर्दै उनले राज्यका हरेक संयन्त्रले निजी क्षेत्रसँग मिलेर काम गर्नुपर्ने बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लोकतन्त्र बलियो भएमा मात्र मुलुक समृद्ध बन्छ – सभापति देउवा

सरोज गुरागाईँलाई काम गर्न दिन काठमाडौं महानगरलाई सङ्घीय मामिला मन्त्रालयको अनुरोध

राष्ट्रियसभामा पाँचवटा अध्यादेश पेस हुँदै