मानामा- बेलायत र गल्फ कोअपरेसन काउन्सिलअन्तर्गतका देशहरूबीचमा व्यापार सम्झौता गर्नका लागि छलफल सुरु भएको छ।
अहिलेको छलफल प्रारम्भिक मात्रै भएको बहराइनका अधिकारीहरूले जानकारी दिएका छन्।
'छलफल निकै राम्रो, सकारात्मक र उत्साहजनक भएको छ,' बहराइनका उद्योग, व्यापार तथा पर्यटन मन्त्री जायद बिन रशिद अल जायनीले भने।
बेलायत र साउदी अरब, संयुक्त अरब इमिरेट्स, कतार, बहराइन, कुवेत र ओमनका बीचमा सम्झौता गर्नेगरी छलफल भएको हो।
बहराइनका मन्त्री जायनीले भने, 'हामीले संयुक्तरूपमा काम गर्नेगरी नयाँ अध्यायको सुरुआत गर्न लागेका छौँ, व्यापारिक साझेदारी, लगानी र सहकार्यको वातावरण बन्ने विश्वास छ।' यस्तो व्यापार सम्झौता बेलायत र गल्फ कोअपरेसन काउन्सिलका सदस्य राष्ट्रहरु सबैका लागि राम्रो अवसर भएको पनि उनले बताए।
युरोपेली संघबाट बेलायत बाहिरिएपछिको परिस्थितिलाई मध्यनजर गर्दै खाडी मुलुकहरु र बेलायतका बीचमा व्यापार सम्झौता गर्ने तयारी भएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791363924.png)
-1786602170.png)
