काठमाडौं- यस वर्ष भौतिकशास्त्रतर्फको नोबेल पुरस्कार तीन जना वैज्ञानिकलाई संयुक्त रुपमा प्रदान गरिएको छ। मंगलबार रोयल स्वीडिस एकेडेमी साइन्सका महासचिव गोरान हन्सनले जापान, जर्मनी र इटलीका तीन वैज्ञानिकलाई संयुक्त रुपमा पुरस्कार प्रदान गर्ने घोषणा गरेका हुन्।
पुरस्कार पाउनेमा जापानका स्युकुरो मानाबे, जर्मनीका क्लाउस हासेलमन र इटलीका गियोर्जियो परिसी रहेका छन्। यीमध्ये मानाबे र हासेलमेनले पुरस्कारको आधा रकम र बाँकी आधा परिसीले पाउने भएका छन्।
मानाबे र हेसेलमानलाई जलवायु परिवर्तनमाथिको भौतिक मोडलिङबारे गरेको अध्ययनका कारण पुरस्कृत गरिएको हो भने पारिसीलाई ग्याँस तथा तरल पदार्थमा हुने भौतिक गढबढीबारे गरेको अध्ययनलाई पुरस्कृत गरिएको हो।
भौतिकशास्त्रमा दिइएको नोबेल पुरस्कार यो हप्ता औषधिशास्त्रतर्फ घोषित पुरस्कारपछिको दोस्रो पुरस्कार हो। गत सोमबार दुई अमेरिकी वैज्ञानिक डेभिड जुलियस र आर्देम पाटापौसियनलाई छालामा हुने तापक्रम र स्पर्शमाथि गरेको अध्ययनलाई पुरस्कृत गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791363924.png)
-1786602170.png)
