काठमाडौं– राष्ट्रियसभाका सदस्यहरुको कार्यकाल निर्धारण गर्न असार ४ गते गोलाप्रथा हुने भएको छ। ५९ सदस्यीय राष्ट्रियसभाका सदस्यहरूको कार्यकाल २, ४ र ६ वर्ष निर्धारण हुनेछ।
गोलाप्रथाबाट पहिलो १९ जनाको कार्यकाल २ वर्षको, २० जनाको ४ वर्षको र बाँकी २० जनाको ६ वर्षका लागि तय हुनेछ। यसरी रिक्त हुने स्थानमा निर्वाचनबाट सदस्यहरू चयन हुनेछन्। यद्यपि राष्ट्रपतिबाट मनोनीत तीन सदस्यको हकमा छुट्टै गोलाप्रथा हुनेछ।
राष्ट्रियसभाको कार्यसञ्चालन नियमावली नभएकाले गोलाप्रथा हुनसकेको थिए। राष्ट्रियसभाले आइतबार नियमावली पारित गरे लगत्तै पाँच दिनको समय राखेर गोलाप्रथाको सूचना संघीय संसद् सचिवालयले प्रकाशित गर्नेछ।
संविधानको धारा ८६ (३) मा राष्ट्रियसभाका एक तिहाइ सदस्यको पदावधि प्रत्येक २ वर्षमा समाप्त हुने उल्लेख छ। राष्ट्रियसभामा प्रत्येक प्रदेशबाट कम्तीमा ३ जना महिला, एक जना दलित र एक जना अपांगता भएका व्यक्ति वा अल्पसंख्यकसहित ८ जना गरी निर्वाचित ५६ जना र राष्ट्रपतिले मनोनीत गरेका ३ जना गरी कुल ५९ सदस्य छन्।
आइतबार पारित राष्ट्रियसभाको नियमावलीमा गोलाप्रथा सम्बन्धी व्यवस्था यसप्रकारको छः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790764182.png)
-1790763466.png)
-1790762422.png)
-1786602170.png)
