काठमाडौं- पाकिस्तानको बलुचिस्तानको तटीय शहर ग्वादरमा भएको एक बम विस्फोटमा कम्तिमा दुई बालबालिकाको मृत्यु भएको छ र अन्य दुईजना घाइते भएका छन्।
शुक्रबार भएको उक्त विस्फोट चिनियाँ इन्जिनियर र कमर्चारीमाथि लक्षित रहेको बीबीसीले जनाएको छ।
पाकिस्तानका विदेश मन्त्रालयका अनुसार विस्फोट आत्मघाती थियो। जसमा एक चिनियाँ नागरिक घाइते भएका छन्।
ग्वादर प्रशासनका एक अधिकारीले बीबीसीसँग बताए अनुसार विस्फोट नगौरी वार्डको क्षेत्रमा निर्माणाधीन एक्सप्रेस सडकमा भएको थियो।
ग्वादर के पूर्वी तटमा यो रोड विगत तीन वर्षदेखि निर्माणाधीन छ।
पाकिस्तानी विदेश मन्त्रालयको प्रेस विज्ञप्ति अनुसार शुक्रबार राति तीन गाडीमा चिनियाँ नगरिकलाई प्रहरीको निगरानीमा लगिदै थियो। जब चिनिया नागरिकको टोली इस्ट बे एक्सप्रेस सडकस्थित माछामार्ने मानिसहरु बस्ने कोलोनी नजिक पुग्दा एक जना निस्किए र चिनियाँ नागरिकको गाडीलाई निशाना बनाउँदै कुदे।
उनी दौडदै आएको देखेर दुई सेना आक्रमणकारीलाई रोक्न कुदे तर उनले चिनियाँ टोलीको १५/२० मिटर दूरीमा आत्मघाती बम विस्फोट गरे।
विदेश मन्त्रालयका अनुसार विस्पोटमा एक चिनियाँ नागरिक घाइते भए र उनलाई ग्वादर अस्पतालमा भर्ना गरिएको छ।
पाकिस्तानमा चिनियाँ नागरिकमाथिको यो पहिलो हमला होइन।
यसअघि गत महिनामा खैबर पख्तुनख्वा प्रान्तमा एक बस दुर्घटनामा १३ जनाको मृत्यु भएको थियो जसमा ९ चिनियाँ नागरिक थिए।
चीनले यो दुर्घटना बम विस्फोटका कारण भएको जनाएको छ तर पाकिस्तानले ग्यास लिक हुँदा विस्फोट भएको दाबी गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
