काठमाडौं- अफगानिस्तानमा कब्जा गरेसँगै विश्व समूदायसँग आफ्नो छवी सुधारमा जुटेको तालिबान पुरानै हर्कतमा उत्रिएको छ।
अफगानिस्तानमा यसपटक महिलालााई समान अधिकार दिने प्रतिबद्धता जनाएको तालिबानले सरकारी टेलिभिजन च्यानलकी एक महिला प्रस्तोतालाई बर्खास्त गरेको छ।
सरकारी टेलिभिजन च्यानलकी प्रस्तोता खादिजा अमीनलाई तालिबानले कार्यालय प्रवेशमै रोक लगाएका अन्तर्राष्ट्रिय सञ्चारमाध्यमहरुले जनाएका छन्। उनको स्थानमा एक पुरुष तालिबानी प्रस्तोतालाई राखिएको छ।
अर्की एक महिला प्रस्तोता शबनम दावरानका अनुसार हिजाब लगाउँदा र आइडी कार्ड लगाउँदा पनि उनलाई कार्यालय प्रवेशमा रोक लगाइएको हो।
सरकारी टेलिभिजनका महिला पत्रकारलाई घरमै बस्न तालिबानले निर्देशन दिएको समाचारहरुमा उल्लेख गरिएको छ।
अफगानिस्तानमा तालिबानले कब्जा जमाएसँगै महिला घरमा बन्द भएका छन्।
मंगलबार भने एक निजी टेलिभिजन टोलोकी महिला पत्रका बेहेश्टा अर्धदले तालिबानका मिडियासँग सम्बन्धित मावलावी अब्दुलहक हेमादसँग अन्तर्वार्ता लिएकी थिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
