तस्वीर गेट्टी इमेज
काठमाडौं– क्यारेबियन राष्ट्र हाइटीमा ७.२ म्याग्निच्यूडको शक्तिशाली भूकम्प गएको छ।
भूकम्पका कारण कम्तीमा ३०४ जनाको ज्यान गएको पुष्टि भएको छ। भूकम्पमा परेर १८ सयजना भन्दा बढी घाइते भएको समाचारहरुमा उल्लेख छ।
अमेरिकी भूकम्प मापन केन्द्र (युएसजीएस)का अनुसार भूकम्पको केन्द्रबिन्दु राजधानी, मध्य पोर्ट–अउ–प्रिन्सबाट १६० किलोमिटर टाढा रहेको बताइएको छ। ७ माइलको गहिराइ भएको भुइँचालो २ सय किलोमिटर टाढा जमैकासम्म हल्लाएको थियो।
भूकम्पले लेस कायेस र जेरेमिन दुई सहरमा ठूलो क्षति भएको बताइएको छ।
भूकम्पका कारण सर्वसाधारणका घरसहित ठूलो व्यापारिक भवन तथा चर्च एवम् होटलहरु पनि भत्किएका छन्।
हाइटीका प्रधानमन्त्रीले भूकम्पका कारण गम्भीर क्षति भएको बताएका छन्। उनले एक महिनाका लागि राष्ट्रिय आपतकाल घोषणा गरेका छन्।
भूकम्पपछि सुनामी आउनसक्ने भन्दै हजारौं मानिसलाई समुद्र किनारबाट टाढा तथा अग्लो सुरक्षित स्थलतर्फ जान आग्रह गरिएको छ।
यसभन्दा पहिले हाइटीमा सन् २०१० को जनवरीमा गएको ७ म्याग्निच्यूडको शक्तिशाली भूकम्प गएको थियो। सो समय भूकम्पले पोर्ट–अउ–प्रिन्स र नजिकैका अधिकांश शहरहरूमा ठूलो क्षति भएको थियो।
उक्त भूकम्पमा परी कम्तीमा दुई लाखभन्दा बढी मानिसको ज्यान गुमेको थियो भने तीन लाखभन्दा बढी घाइते भएका थिए। उक्त घटनामा साढे एक लाखभन्दा बढी घरबारविहीन भएका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768395492.png)
-1768391713.png)
-1764146706.png)
