काठमाडौं- रुसका लागि जासुसी गरेको आरोपमा एक ५७ वर्षीय ब्रिटिश नागरिकलाई जर्मन प्रहरीले पक्राउ गरेको छ।
बर्लिनस्थित ब्रिटिश दूतावासमा कार्यरत डेभिड एस नामक व्यक्तिलाई पक्राउ गरिएको महानगरीय प्रहरीले जानकारी दिएको हो। प्रहरीका अनुसार ती नागरिक जर्मनीको कानुन उल्लंघन गर्दै गुप्तचर गतिविधिमा संलग्न थिए।
‘बर्लिन क्षेत्रमा ‘खुफिया एजेन्ट गतिविधि’मा संलग्न रहेको अपराध गरेको शंकामा उनलाई गिरफ्तार गरिएको हो। अनुसन्धान जारी छ,’ प्रहरीले भनेको छ।
आरोपित व्यक्ति बर्लिनस्थित दूतावासमा स्थानीय कर्मचारीको रूपमा कार्यरत रहेको बताइन्छ। यो गिरफ्तारी बेलायत र रुसबीचको तनावपूर्ण सम्बन्ध भएको बेला भएको छ।
बेलायतले डिजिटल टेक्नोलोजीको दुरुपयोग गरेको र अन्तर्राष्ट्रिय नियममा आधारित आदेशको लागि रुस खतरा रहेको आरोप लगाइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
