काठमाडौं– माल्दिभ्सका राष्ट्रपति इब्राहिम सोलिहले सबै नागरिकलाई जतिसक्दो चाँडो खोप लगाइसक्न सम्बन्धित मन्त्रीलाई निर्देशन दिएका छन्।
कोरोनाभाइरसको महामारीका कारण थप मानवीय क्षति हुन नदिनका लागि खोप लगाउने अभियानलाई तीव्रता दिन उनले आग्रह गरेको समाचारहरुमा उल्लेख छ।
राष्ट्रपति सोलिहले सरकारी निकायका सबैलाई उच्च प्राथमिकताका साथ कोरोनाभाइरसविरुद्धको खोप लगाउने व्यवस्था गर्न पनि निर्देशन दिएको जनाइएको छ।
राष्ट्रपति कार्यालयद्वारा सोमबार जारी निर्देशनमा सरकारी सबै कर्मचारीलाई यही अगस्ट १५ सम्मका कम्तीमा एउटा खोप लगाइसक्न आग्रह गरिएको छ।
जनस्वास्थ्य महानिर्देशक मैमुना अबुबाकुरले पनि खोप अभियानमा सहयोग गर्न सरकारी संस्था तथा निकाय, कम्पनीलगायतलाई अनुरोध गरेका छन्।
माल्दिभ्समा कोरोनाभाइसविरुद्धको खोप लगाउने अभियान गत फेब्रुअरीदेखि नै सुरु भए पनि पूरा हुन सकेको छैन।
यही अगस्टको अन्त्यसम्ममा खोप लगाउन योग्य कम्तीमा पनि ९० प्रतिशतलाई खोप लगाइसक्ने उद्देश्य राखिएको स्वास्थ्य अधिकारीले बताएका छन्। अहिलेसम्म खोप लगाउन योग्य ७० प्रतिशतले खोप लगाइसकेको उनीहरुको दाबी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1774336446-1774337130.jpeg)
-1764146706.png)
