मड्रिड– स्पेनका नवनियुक्त 8वादी प्रधानमन्त्री पेड्रो सान्चेजले मन्त्रीपरिषद् गठन गर्दा आफूलाई समर्थन गरेको पार्टीलाई नै नसमेट्ने भएकका छन्।
निवर्तमान प्रधानमन्त्री मारिएनो राजोएलाई हटाउने बेलामा सहयोग गरेको बामपन्थी पार्टी पोडेमोजलाई नै नसमेटी मन्त्रीपरिषद् गठन गरेका सोसलिष्ट पार्टीका उच्च अधिकारीहरूले सोमबार जानकारी दिएका छन्।
पोडेमोजले नै अन्य पार्टीहरूलाई समेटेर सान्चेजले सरकार बनाउनु बढी स्थिर हुनसक्ने बताएकाले नसमेटिएको सोसलिष्ट पार्टीका उपमहासचिव अद्रिना लाष्ट्राले बताइन्।
‘सरकारमा सहभागी हुनेहरुको नामावली केही दिनमै सार्वजनिक हुन्छ।,’ एक टेलिभिजनलाई दिएको अन्तवार्तामा उनले भनिन्। उपमहासचिव लाष्ट्राले नयाँ सरकार वास्तवमै 8वादी हुने दावी पनि गरिन्।
सरकार सञ्चालनको अनुभव नभएका ४६ वर्षीय अर्थशास्त्री सान्चेजले आइतबार नयाँ प्रधानमन्त्रीको रुपमा सपथ लिएका छन्।
उनले यसअघिको सरकारविरुद्ध संसदमा दर्ता गराएको अविश्वासको प्रस्तावमा मतदान हुँदा सरकारको पक्षमा बहुमत नपुगेपछि उनी प्रधानमन्त्री बनेका हुन्।
सान्चेजले निवर्तमान प्रधानमन्त्री राजोए नेतृत्वको सरकारलाई भ्रष्टाचारको आरोप लगाउँदै प्रधानमन्त्रीलाई हटाउन माग गरेका थिए। उनका विरुद्धमा सान्चेजले गत मे २५ तारिखका दिन अविश्वासको प्रस्ताव दर्ता गराएका थिए।
स्पेनमा निकै प्रभावशाली नेता मानिने ६३ वर्षीय राजोए गत सन् २०११ देखि शक्तिमा थिए। विश्वासको मत गुमाएर प्रधानमन्त्री पदबाट बाहिरिनेमा राजोए स्पेनी लोकतन्त्रको इतिहासमा पहिलो प्रधानमन्त्री हुन्।
स्पेनको संसदको कुल ३ सय ५० सिटमध्ये सान्चेजको पार्टीसँग ८४ जना मात्रै सांसद रहेका थिए। राजोएलाई हटाउन सान्चेजलाई अन्य विपक्षी पार्टी र क्षेत्रीय पार्टीहरुले समेत साथ दिएका थिए।
सान्चेजको पक्षमा १ सय ८० मत र विपक्षमा १ सय ६९ मत परेको थियो भने एक जना सांसद अनुपस्थित भएका थिए।
8वादी पार्टीकी उपमहासचिव लाष्ट्राले अग्रिम निर्वाचन आह्वान गर्ने तयारी गरिएको पनि जानकारी दिइन्। तर उनले निर्वाचन हुने मितिका बारेमा भने केही बताइनन्।
स्पेनको अहिलेको संसदको म्याद सन् २०२० मा सकिने भएपनि नयाँ सरकारले त्यो भन्दा अगाडी नै निर्वाचन गराउन लागेको हो।
सान्चेजले दर्ता गरेको अविश्वासको प्रस्तावमा समर्थन गरेको पोडेमोज पार्टीका प्रवक्ता नोएलिआ भेराले नयाँ प्रधानमन्त्रीले सरकारमा सहभागीताका बारेमा अहिलेसम्म कुनै आग्रह नगरेको स्पष्ट पारेका छन्।
सान्चेजको प्रस्तावका पक्षमा सोसलिष्ट पार्टीसहित विपक्षी पार्टी पुडेमोज, क्याटलान र बास्क्युका क्षेत्रीय पार्टीहरुले पनि समर्थन गर्दै मतदान गरेका थिए। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
