काठमाडौं- म्यानमारमा यस वर्षको फेब्रुअरीमा भएको सत्तापलटको अगुवाइ गरेका सेनाका जनरलले आफूलाई प्रधानमन्त्री घोषणा गरेका छन्।
जनरल मिन आङ्ग व्हाइङ्गले म्यानमारमा संकटकाल अगस्ट २०२३ अर्थात् आगामी दुई वर्षसम्मका लागि बढाउन सकिने बताएका छन्।
आफ्नो करीब एक घन्टा लामो भाषणमा जनरल आङ्गले ‘स्वतंत्र र निष्पक्ष बहुदलीय चुनाव’ गराउने प्रतिवद्धता पनि व्यक्त गरे।
साथै उनले सेनाले जुन पार्टीलाई चुनेको थियो(नेशनल लीग फर डेमोक्रेसी) त्यसलाई 'आतंकवादी’ भनेका छन्। उनले नेशनल लीग फर डेमोक्रेसी (एनएलडी) का समर्थकलाई पनि ‘उग्रवादी’ भनेको बीबीसीले उल्लेख गरेको छ।
म्यानमारको सेनाले सत्ता कब्जामा लिएर आङ साङ सूचीको नेतृत्वको पार्टी एनएलडीको सरकारलाई सत्ताबाट हटाइदिएको थियो।
सूची त्यतिबेलादेखि गिरफ्तार छिन् र उनीमाथि आपराधिक आरोपमा मुद्दा चलिरहेको छ।म्यानमारमा सत्तापलट पछि भएको प्रदर्शनहरुमा सयौं मानिसको मृत्यु भएको छ।
यी प्रदर्शनमा मारिने मध्ये केही स्वास्थ्यकर्मी थिए। उनीहरुको मृत्युका कारणम्यानमारमा स्वास्थ्य व्यवस्थामा असर परेको छ र कोरोना महामारी संक्रमण तिब्ररुपमा फैलिएको छ। प्रदर्शनमा उत्रिएका कयौं स्वास्थ्यकर्मी पक्राउ गरिएको छ भने कयौं लुकेका थिए।
मानिसहरु उपचारका लागि अस्पताल जाँदै गर्दा सेनाले उनीहरुलाई फर्काइदिएको थियो जसका कारण कयौं मानिसको अक्सिजनको कमीका कारण घरमै मृत्यु भएको बीबीसीले जनाएको छ।
यी सबका बावजूद जनरल आङ्नले जोड दिएर म्यानमारको हालत 'स्थिर' रहेको र आफूले चुनाव गराउने बताइरहेका छन्। तर चुनावमा कुन कुन पार्टीले भाग लिन पाउछन् अहिलेसम्म त्यो स्पष्ट भएको छैन।
म्यान्मारका मानवअधिकार कार्यकर्ता आंग क्या मोइले जनरलको चुनाव गराउने कुरा झुठो भएको र चुनाव नहुने बताउँछन्।
टेलिभिजनमा प्रसारण गरिएको आफ्नो भाषणमा जनरल आङ्गले सत्ता परिवर्तनको विरोधीहरुले 'जानिबुझी कोभिड १९ फैलाएको’आरोप लगाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
