काठमाडाैं- इरानका सर्वोच्च नेता आयातुल्ला अली खामेनीले पानीको कारण विरोधमा उत्रिएका जनतामाथि बल प्रयोग नगर्न सुरक्षाबलहरुलाई आग्रह गरेका छन्।
उनले यो स्थितिमा जनताहरुलाई दोष दिन मिल्ने ठाउँ नरहेकाले संयमित हुन आग्रह गरेका हुन्।
‘जनताले आफ्नो रिस देखाए। तर, हामी वास्तवमै जनतालाई दोष दिन सक्दैनौं। यो बेला उनीहरूको मुद्दालाई ख्याल गर्नुपर्दछ,’ खमानेले भने, ‘सबै सरकारी र गैरसरकारी निकाय यो समस्या समधान गर्न काम गरिरहेका छन्। संयमित हाैं।’
पानीको हाहाकारका कारण दक्षिणपश्चिमी क्षेत्रमा लगातार सरकारविरुद्ध प्रदर्शन भइरहेको छ।
बिहीबार दिउँसो दक्षिणपश्चिमी खुजस्तान प्रान्तदेखि लोरेस्टन प्रान्तको अलिगुडार्ज सहरसम्म प्रदर्शन गर्नेहरुको भिड जम्मा भएपछि प्रहरीले एक युवकमाथि गोली चलाएको थियो। घटनामा ७ जना घाइते भएका छन्।
गोलीबारीपछि धेरै प्रदर्शनकारीलाई प्रहरीले पक्राउ गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768981471.jpg)
-1764146706.png)
