काठमाडौं- दक्षिण अफ्रिकामा केही दिनयतादेखि मच्चिएको हिंसा र लुटपाटपछि परिस्थिति सामान्य बन्दै गएको एक मन्त्रीले बताएका छन्।
मन्त्री खुम्बुजो एनटिसाभेनीले गएको २४ घण्टायता कुनै हिंसा नभएको मंगलबार साँझ आयोजना गरिएको पत्रकार सम्मेलनमा जानकारी दिएका हुन्।
उनका अनुसार यसअघि हिंसा र लुटपाट भएका काजुलु र गुतेन प्रान्तमा अहिले स्थित सामान्य अवस्था देखिएको छ र यस्ता हिंसाका घटना भएका छैनन्।
दक्षिण अफ्रिकाका काजुलु र गुतेनमा केहीदिन यतादेखि पसलमा लुटपाट गर्ने र हिंसा मच्चाउने गरिएको थियो।
दक्षिण अफ्रिकामा त्यहाँका पूर्वराष्ट्रपति ज्याकोब जुमालाई भ्रष्टाचारको आरोपमा जेल हालिएको छ। त्यसपछि उनका समर्थकहरुले हिंसात्मक प्रदर्शन गरेका थिए। हिंसा प्रभावित प्रान्तमा ठूलो संख्यामा प्रहरी तैनाथ गरिएको छ।
‘अहिले अवस्था सामान्यतर्फ फर्किँदै छ र कुनै हिंसात्मक घटना भएको छैन। लुटपाटका कारण बन्द भएका सपिङ मलहरु खुला भएका छन्,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
