काठमाडौं- नेपाली कांग्रेसका नेता अर्जुननरसिंह केसीले संस्थापन इतरपक्षबाट सभापतिमा दाबी गर्ने नेताहरुको बैठक बोलाएका छन्।
केसीले वरिष्ठ नेता रामचन्द्र पौडेलसहित महामन्त्री डा शशाङ्क कोइराला, नेताहरु प्रकाशमान सिंह, डा रामशरण महत, डा शेखर कोइराला, नेतृ सुजाता कोइराला लगायतलाई बोलाएका हुन्।
संस्थापन इतरपक्षबाट साझा उम्मेदवार एक जना उठाउने विषयमा छलफल गर्न बैठक डाकेको बताइएको छ। एकल उम्मेदवार दिन नसक्ने अवस्था भए आफूले पनि सभापतिमा दाबी गर्ने केसीले बताउँदै आएका छन्।
सर्वसहमत एउटा उम्मेदवार उठाउन नसके शीर्ष नेताहरु सल्लाहकार समितिको रूपमा रहेर अर्को पुस्तालाई नेतृत्व हस्तान्तरण गर्न तयार हुनुपर्ने उनको जोड छ। बैठक अपरान्ह ४ बजेपछि बत्तीसपुतलीस्थित अनुपम फुडल्याण्डमा बस्ने जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
