एजेन्सी– भारतीय पर्यटकीय शहर सिम्लामा पानीको अभाव भएपछि त्यहाँका होटल र स्थानीयले पर्यटकलाई घुम्न नआउनको लागि आग्रह गरेका छन्।
एक हप्तादेखि पानीको हाहाकारका कारण सिम्लाका केही होटलहरु बन्द भएका छन्।
पानी अभावका कारण दैनिकी प्रभावित भएपछि सोसल मिडियामा ‘लेट द प्लेस ब्रिथ फर अ ह्वाइल’(केही समयको लागि यो स्थानलाई श्वास फेर्न देऊ) भनि अभियान नै चलेको छ।
मंगलबार मात्रै स्थानीयले त्यहाँका मुख्यमन्त्रीको घर अगाडि प्रदर्शन गरेका थिए भने त्यही क्रममा प्रहरी र प्रदर्शनकारीबीच झडप पनि भएको थियो।
‘जुन महिनामा पर्यटकहरु यस क्षेत्रमा आउन थालेपछि यहाँका स्थानियको अवस्था निकै कष्टप्रद हुँदै जानेछ,’ सोसल मिडियामा सेयर गरिएको एक पोष्टमा उल्लेख छ।
सिम्लामा देखिएको पानीको अभावका कारण करिब २ लाख स्थानिय पानी वितरण भइरहेको ठाउँमा लामो लाइनमा बस्न बाध्य भएका छन्।
तर त्यहाँका स्थानिय अधिकारीहरुले भने यो वर्ष कम हिउँ परेका कारण पानीको समस्या देखिएको दावी गर्छन्।
पानीको अभाव भएपछि केही होटलहरु आपतकालिन अवस्थाका लागि बन्द भएका छन् भने केही ठूला होटलहरुले आफ्ना पाहुनालाई फर्काउनुका साथै ‘बुकिङ’ पनि रद्द गरेका छन्।
‘हामीले आफ्नो होटल बन्द गर्नुपरेको छ। पानी अभावका कारण हामी थप बुकिङ लिनको लागि असमर्थ छौँ।,’ गुलमोहर रिजेन्सीका मालिक गोपाल अग्रवालले भने। अहिलेसम्म उक्त होटलले करिब १ सय बुकिङ रद्द गरि पैसा फिर्ता दिएको उल्लेख गरिएको छ।
भारतमा बढ्दै गएको गर्मी छल्नको लागि हजारौंको संख्यामा पयर्टक सिम्ला घुम्न जाने गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
