काठमाडौं– नेपाली कांग्रेसको आसन्न १४औं महाधिवेशन केन्द्रित रहेर नेताहरुबीचको छलफल र भेटघाटप्रति सबैको चासो रहनु स्वाभाविक रहेको नेता प्रकाशमान सिंहले बताएका छन्। विमलेन्द्र निधि, डा. शशांक कोइराला र आफूबीचको भेटघाटले आम कांग्रेसजनमा उत्साह र नवीन तरंग उत्पन्न गरेको सिंहको भनाइ छ।
अहिलेको प्रतिकूल राष्ट्रिय परिस्थितिका समयमा कांग्रेसजन र नागरिकमा तीन नेता मिलेर कांग्रेस महाधिवेशनमा नेतृत्व लिने सन्दर्भमा भएको छलफलले सिंगो मुलुककै ध्यानाकर्षण भएकाे उनको दाबी छ।
पछिल्लोपटक चाक्सीबारीमा भएको छलफलले कांग्रेस महाधिवेशन र समग्र मुलुकको समस्याबारे महत्त्वका साथ विषय उजागर गरेको उनले बताए।
सो बैठकले क्रियाशील सदस्यतासम्बन्धी समस्याको तत्कालै विधि प्रक्रिया भित्र रहेर समाधान खोज्दै महाधिवेशन केन्द्रित हुने निर्णय गरेको थियो।
निर्धारित मितिभित्र महाधिवेशन सम्पन गराउनुको विकल्प नभएकाे भन्दै उनले महाधिवेशनको वातावरण बनाउँदै आवश्यकता अनुसार भेटघाट र छलफलका क्रमहरुलाई निरन्तरता दिंदै जानेसमेत बताएका छन्।
यसैबीच, तीन नेताले शुक्रबार गर्ने भनेको केन्द्रीय सदस्यहरूसँगको अनौपचारिक छलफल स्थगित भएको छ।
क्रियाशील सदस्यता विषय नटुंगिएको र आज नै क्रियाशील सदस्यता छानबिन समिति, पार्टी पदाधिकारी र पूर्व पदाधिकारीको बैठक बस्नु पर्ने भएकाले आजका लागि तय भएको बैठक स्थगित गरिएको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
