नयाँ दिल्ली- उत्तरी भारतमा चट्याङ्का कारण ५० जनाको मृत्यु भएको छ। तीव्र गतिको हावा र चट्याङ्का कारण उत्तरी भारतमा मंगलबार मात्रै ५० जनाको मृत्यु भएको भारतीय समाचार संस्था पिटिआईले सरकारी अधिकारीहरुलाई उदृत गर्दै लेखेको छ।
हावा र चट्याङ्का कारण केही संरचना भत्किएको र त्यसले थिचेर कैयन मानिस घाइते भएको उल्लेख छ।
चट्याङले बिहारमा सबैभन्दा धेरै २० जनाको मृत्यु भएको सरकारी तथ्याङ्क देखाएको छ।
भारतमा हरेक वर्ष मनसुनको समयमा आउने गरेको हुरी र चट्याङ्का कारण कैयौं मानिसको ज्यान जाने गरेको छ।
उत्तर प्रदेशमा मात्रै पनि हुरी र चट्याङका कारण १५ जनाको र झारखण्डमा १२ जनाको मृत्यु भएको उल्लेख छ।
उत्तराखण्डमा पनि हुरी रु चट्याङले गर्दा रुख ढलेर किच्दा ३ बालबालिकाको मृत्यु भएको समाचारमा जनाइएको छ।
भारतका केही स्थानमा भारी वर्षा भइरहे पनि त्यहाँको मौसम विभागले तापक्रम अझै ४७ डिग्रिसेल्सियससम्म पुग्न सक्ने चेतावनी दिएको छ।
भारतमा सन् २००५ यता चट्याङ्का कारण मात्रै करिब २ हजार मानिसको मृत्यु भइसकेको भारतको राष्ट्रिय अपराध रेकर्ड ब्युरोको तथ्याङ्कले देखाएको छ।
गत मे ४ मा पनि भारतमा आएको आँधीका कारण करिब १ सय मानिसको ज्यान गएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
