हङकङ- चीनको तियानानमेन स्क्वायरमा विद्यार्थीहरुको नेतृत्वमा भएको विद्रोहमा दमन गरिएको ३२ वर्ष पुगेको सम्झनामा कुनै कार्यक्रमहरु गर्न नदिने उद्देश्यले हङकङमा कडा सुरक्षा व्यवस्था गरिएको छ।
हङकङ प्रहरीले लोकतन्त्र समर्थक चाउ हाङ्ग तुङलाई गिरफ्तार गरेको छ। उनी तियानानमेन स्क्वायरमा हङकङ एलायन्सका उपाध्यक्ष हुन्। यस संस्थाले प्रजातन्त्र समर्थक प्रदर्शनकारीहरूमाथि चीनको दमनकारी क्रडडाउनमा मारिएका व्यक्तिको स्मृतिमा वार्षिक कार्यक्रम आयोजना गर्दछ।
सन् १९८९ मा सुधार तथा प्रजातन्त्रकालागि हप्तौंसम्म तियानानमेन स्क्वायरमा प्रदर्शन गरिरहेका प्रदर्शनकारीहरुलाई त्यहाँबाट हटाउन सेनाले कारवाही गर्दा सयौं वा हजारौं मानिसहरुको ज्यान गएको ठानिन्छ।
चाउमाथि गैरकानूनी रुपमा बैठक आयोजित गरेको आरोप लगाइएको छ। कोरोना महामारीका कारण हङकङमा गतवर्षदेखि कुनै प्रकारको जुलुस निकाल्न प्रतिबन्ध लगाइएको छ।
हङकङ र मकाउ चीनको क्षेत्रको हिस्सा हो, जहाँ तियानानमेन स्क्वायरमा हिंसामा मारिएकाहरूको सम्झनामा कार्यक्रमहरू आयोजना गरिन्छन्।
यसपटक हङकङमा जस्तै मकाउमा पनि जुलुस निकाल्न प्रतिबन्ध लगाइएको छ। यसरी जुलुस निकाल्नु स्थानीय कानूनको उल्लंघन हुने बताइएको छ।
यद्यपि, चाउलेससबै जनतालाई तियानानमेन स्क्वायर नरसंहारको वार्षिकोत्सवलाई आफ्नै तरिकाले मनाउन अपील गर्दै आएका थिए।
गिरफ्तार हुनुभन्दा एक दिन अघि उनले फेसबुकमा पोष्ट गरेका थिए,‘ तपाई्ं जहाँ भएपनि बत्तीहरू बल्नुनुहोस्। यो तपाईंको फोन, मैनबत्ती वा इलेक्ट्रिक मैनबत्ती होस्।’
चाउलाई बिहानकार्यालयको बाहिर सादा पोशाकमा आएका प्रहरीले पक्राउ गरेको हो। समाचार एजेन्सी एएफपीका अनुसार उनलाई कालो कारमा लगिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
