दिल्ली- भारत सरकारले डिसेम्बर २०२१ को अन्त्यसम्ममा सबै नागरिकलाई कोरोनाविरुद्धको खोप दिने कार्ययोजना तयार पारेको छ।
केन्द्रीय गृह राज्यमन्त्री जी किशन रेड्डीले डिसेम्बरको अन्त्यसम्ममा सबै व्यक्तिलाई खोप दिने कार्ययोजना तयार भएको जानकारी दिएका हुन्।
‘सरकारले धेरै फार्म कम्पनीहरुसँग छलफल गरेको थियो। सोपश्चात डिसेम्बरको अन्त्यसम्ममा सबै व्यक्तिलाई खोप दिन एक कार्ययोजना तयार गरेका छौं,’ उनले भने।
समाचार एजेन्सी एएनआईका अनुसार यसका लागि २५० करोड डोज खोप उत्पादन गर्नुपर्छ।
‘रुसमा बनेको कोरोनाविरुद्धको खोप स्पुतनिक भि हिजो हैदराबाद पुगेको छ। फाइजर रजोनसन एन्ड जोनसनबाट पनि खोप ल्याउनका लागि छलफल भइरहेको छ,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771493761.png)
-1764146706.png)
