ब्राजिल– कोभिड १९ को प्रकोपबाट हुने मृत्युमा कमी नआएको ब्राजिलका स्वास्थ्य क्षेत्रका अधिकारीहरुले बताएका छन्।
आइतबार मात्र पनि ८७४ जनाको यो भाइरसका कारण ज्यान गएको छ । योसँगै ब्राजिलमा कोरोनाका कारण करिब ४ लाख ६२ हजार जनाको ज्यान गएको छ ।
यहाँ यो संक्रमणबाट ४ लाख ६१ हजार ९३१ जनाको ज्यान गएकोे आइतबार यहाँको स्वास्थ्य मन्त्रालयले जानकारी दिएको छ। स्वास्थ्य मन्त्रालयका अनुसार पछिल्लो समय ब्राजिलमा कोरोना भाइरसको संक्रमण घट्न सकेको छैन। कतिपय दिन यहाँ संक्रमितहरुको संख्या घटेको जस्तो देखिए पनि केही दिनपछि फेरि बढेर आउने गरेको पाइएको छ।
अधिकारीहरुले संक्रमितहरु अस्पतालहरूमा ठूलो संख्यामा रहेका पाइएको छ। अस्पतालहरुले बिरामीको चाप थेग्न सकेका छैनन्। गत २४ घण्टामा कोभिड–१९ का ४३ हजार ५२० जना संक्रमितहरु भेटिएका छन्। ब्राजिलको स्वास्थ्य मन्त्रालयले आइतबार सो जानकारी दिएको छ।
त्यसैगरी यहाँ कोरोना भाइरसको संक्रमण शुरु भएबाट ब्राजिलमा हालसम्म १ करोड ६५ लाखभन्दा बढी संक्रमित भएका छन्। ब्राजिलका अधिकारीहरुले यहाँ कोरोना विरुद्धको खोप लगाउने क्रम पनि जारी रहेको बताएका छन्। सबैभन्दा बढी प्रभावित भएको क्षेत्र साओ पाओलो हो। यस राज्यमा मात्र ३५ लाखभन्दा बढी नागरिक संक्रमित भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
