काठमाडौं– सरकारले आफ्नो सय दिनको अवधिमा ८८ वटा उपलब्धि हासिल गरेको दाबी गरेको छ।
आज सार्वजनिक गरिएको सरकारको १ सय दिनका प्रमुख उपलब्धिमा संघीयता कार्यान्वयन, कानुन निर्माण, अर्थतन्त्र, कृषि वन र सिंचाइ, ऊर्जा, उद्योग, श्रम तथा रोजगार, पूर्वाधार यातायात र सञ्चार, पर्यटन, शहरी विकास, पुनर्निर्माण, सामाजिक विकास, स्वास्थ्य, शान्ति र स्थायित्व, शासकीय सुधार र परराष्ट्र सम्बन्ध भनी बाँडिएको छ।
नयाँ वर्षको पहिलो दिन प्रधानमन्त्रीबाट कर्णाली-रारा पर्यटन वर्षको उद्घाटन हुनुलाई ८८औं उपलब्धि मानिएको छ। प्रधानमन्त्रीबाट बाग्लङुको ढोरपाटन, सिराहा, बारा, लुम्बनी लगायतका स्थानमा भ्रमण गर्नु, राष्ट्रिय गौरव तथा महत्वका आयोजनाहरूको निरीक्षण गर्नुलाई पनि उपलब्धिमा राखिएको छ। सरकारले ‘समृद्ध नेपाल सुखी नेपाली’को दीर्घकालीन लक्ष्यका साथ कार्य सुरु गर्नुलाई उपलब्धिको पहिलो बुँदामा राखेको छ।
श्वेतपत्र जारी गर्दै देशको आर्थिक अवस्थाको बारेमा जनतालाई जानकारी गराउनुलाई पनि सरकारले आफ्नो सय दिनको उपलब्धिको सूचीमा राखेको छ। औद्योगिक क्षेत्रलाई लोडसेडिङमुक्त बनाउनु पनि उपलब्धि भएको सरकारको दाबी छ।
केपी ओली सरकार गठन भएपछि ९१ वटा उद्योग दर्ता हुँदै ४६ अर्ब वैदेशिक लगानीसहित ९८ अर्ब बराबरको लगानी प्रतिबद्धता आउनुलाई अर्को उपलब्धि मानिएको छ। यस्तै, मेलम्ची सुरुङ सम्पन्न हुनु पनि सरकारको उपलब्धि भएको दाबी गरिएको छ।
भारतीय प्रधानमन्त्री नरेन्द्र मोदी नेपाल भ्रमण हुनुलाई ओली सरकारले ठूलो उपलब्धि भएको दाबी गरेको छ। नेपालमा रेल, जलमार्ग, ऊर्जा, व्यापार, पारवहन र डुबानका लागि भएको सहमतिलाई उपलब्धिका रुपमा लिइएको छ। यसका साथै पाकिस्तानी प्रधानमन्त्री साहिद खक्कान अव्वासीको भ्रमण र परराष्ट्रमन्त्रीको चीन भ्रमणलाई पनि सरकारले आफ्नो उपलब्धि भनेको छ।
यातायातको सिन्डिकेट अन्त्य हुनु र वैदेशिक रोजागरीको क्षेत्रमा पनि नयाँ सुरुवात हुनुलाई पनि उपलब्धिका रुपमा समेटिएको छ।
यस्तो छ सय दिनको उपलब्धिमा सरकारको ८८ बुँदा:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
