काठमाडाैं- नाइजेरियामा डुंगा दुर्घटना हुँदा ५० भन्दा धेरै यात्रुको मृत्यु भएको छ। घटनामा दर्जनौँ मानिस बेपत्ता भएका छन्।
सरकारी अधिकारीहरुका अनुसार उत्तरपश्चिम राज्य केब्बीस्थित समुद्रमा डुंगा दुर्घटना भएकाे हाे।
क्षमताभन्दा बढी यात्रु बाेकेकाले दुर्घटना भएकाे बताइन्छ। उक्त डुंगामा कम्तीमा १ सय ५० यात्रु सवार थिए।
तीमध्ये धेरैजसो केब्बी राज्य निवासी रहेकाे बताइन्छ। केब्बीस्थित स्थानीय प्रशासनले दुर्घटनामा ५३ जनाको मृत्यु भएको र मृतक संख्या अझै बढ्न सक्ने बताएको छ।
घटनास्थलबाट ४७ जनाको शव निकालेको केब्बीको विपद् व्यवस्थापन एजेन्सीले जनाएको छ।
उद्धार गरिएका केही घाइतेलाई नजिकका अस्पताल लगिएको र केही निको भइ घर फर्किएको जनाइएको छ।
उद्धार कार्यमा कठिनाइ भएकाले यकिन विवरण आउन नसकेको नाइजर प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775714617.png)
-1764146706.png)
