वाशिङट्न- अमेरिकी राज्य ओहायोले कोरोनाविरुद्धको खोप लगाउने व्यक्तिलाई चिठ्ठा प्रणालीमार्फत् पुरस्कार दिने घोषणा गरेको छ। कोरोनाविरुद्धको खोप लगाउन उत्साहपूर्व रुपमा जनता सहभागी नभएपछि राज्य सरकारले आकर्षक पुरस्कार घोषणा गरेको हो।
खाेप लगाउन नआएपछि राज्यमा खोप अभियान सुस्त भएको छ। यो योजना आजबाट सुरू हुँदैछ। पाँच व्यक्ति प्रत्येक हप्ता ड्रबाट बिजेत घोषणा गरिनेछ। प्रत्येक बिजेताले १० लाख अमेरिकी डलर पाउने छन्।
ओहायोका गभर्नर माइक डेवाइनले भने, ‘हामी चिठ्ठामार्फत् खोपको कम्तिमा एउटा डोज लिने पाँच व्यक्तिलाई छान्नेछौं। ड्र सबैको अगाडि बाहिर गरिनेछ। अनलाइन प्रक्रिया पनि यसको लागि प्रयोग गर्न सकिन्छ।’
जनतालाई खोप लगाउन प्रोत्साहित गर्न यस्तो योजना ल्याउँदा आफूलाई पागलको संज्ञा दिएको उनले बताए।
‘केही व्यक्ति मलाई पागल भन्छन् र सरकारी पैसा लुटिरहेको छु भन्छन्। तर, उनीहरूले बुझ्नुपर्दछ खोपले जीवन बचाउँछ। म केका लागि खोप लगाइरहेको छु र खोप लगाउँदा के हुन्छ भनेर बुझ्न पनि जरुरी छ,’ उनले भने।
चिठ्ठा लिनको लागि त्यस्तो कुनै विशेष शर्तहरू तोकिएको छैन। यसका लागि दुई वर्गहरू छन्।
उमेर १८ वर्ष भन्दा माथिको हुनुपर्दछ। र ऊ ओहायोको मूल निवासी हुनुपर्दछ। विजेताहरुलाई पाउने रकम फेडरल कोभिड–१९ राहत कोषमार्फत् भुक्तानी गरिनेछ।
छुट्टै चिठ्ठा प्रणाली युवाहरूका लागि पनि राखिएको छ ९१२ देखि १७ वर्ष०। यद्यपि, यससँग नगद पुरस्कार छैन। पुरस्कारले त्यो युवालाई चार वर्ष छात्रवृत्ति प्रदान गर्दछ।
यसमा ट्युसन, किताब र कोठाको खर्च समावेश हुनेछ। यसका लागि अनलाइन आवेदन दिन सकिनेछ। १२ देखि १७ वर्षकालाई अमेरिकामा फाइजरको कोरोनाविरुद्धको खोप दिन स्वीकृति दिइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
